ગાયનું દૂધ પીવાથી ડાયાબિટીસ થાય છે એ એક અફવા છે એ બાબતની ચકાસણી ઘણા વર્ષો પેહલા જ થઇ ગઈ હતી. એવામાં ફરીથી દૂધ સ્વાસ્થ્ય માટે હાનીકારક છે અને તેને પીવાથી ડાયાબિટીસ થાય છે એ ચર્ચાએ હવા પકડી છે.
દૂધ પીવાથી ડાયાબિટીસ થવાની વાતે પકડ્યુ જોર
ગાયના દૂધથી ડાયાબિટીસ થવાની વાત છે અફવા
અફવાઓમાં આવ્યા વિના વૈજ્ઞાનિક તથ્ય પર ભરોસો કરવો
દૂધ એક સમ્પૂર્ણ આહાર છે
દૂધને સંપૂર્ણ આહાર માનવામાં આવે છે. માણસ સમગ્ર જીવનકાળ દરમિયાન દૂધને પચાવી શકે તેવી ક્ષમતા ધરાવે છે. લેક્ટોસએ મગજના વિકાસ માટે અત્યંત જરૂરી છે. જોકે, કેટલાક લોકો માટે લેક્ટોસને પચાવવું મુશ્કેલ છે. દૂધમાંથી મળતું કેલ્શિયમ હાડકાને મજબુત કરવા માટે ખુબ જ જરૂરી છે. સ્નાયુઓના વિકાસ માટે દૂધમાંથી મળતું પ્રોટીન ખુબ જ લાભદાયી છે.
વૈજ્ઞાનિક પુરાવાઓએ અફવાને નકારી
દૂધના અઢળક લાભ હોવા છતાં દૂધ સ્વાસ્થ્ય માટે હાનીકારક છે અને તેનાથી ડાયાબિટીસ થાય છે કે નહી એ બાબત પર ચર્ચા થઇ રહી છે પરંતુ વૈજ્ઞાનિકોએ આ બાબતને સંપૂર્ણપણે નકારી દીધી છે. ડેટા પરથી એ બાબત સાચી ઠરી છે કે દૂધ પીવાથી ડાયાબિટીસ થતુ નથી પરંતુ ડાયાબિટીસ સામે લડવાની તાકાત મળે છે.
નવજાત બાળક માટે સ્તનપાન અત્યંત જરૂરી
બહારના દેશોમાં નવજાત શિશુને સ્તનપાન કરવાના બદલે પહેલા 6 મહિના માટે ગાયનું દૂધ પીવડાવામાં આવે છે. જેનાથી તેમની રોગપ્રતિકારક શક્તિ પર અસર થાય છે. ગાયનું દૂધ હાનીકારક નથી પરંતુ પહેલા 6 મહિનામાં બાળકને સ્તનપાન દ્વારા જે પ્રોટીન મળવું જોઈએ એ ખુબ જ જરૂરી છે. ગાયનું દૂધ પીવાથી ટાઇપ 1 ડાયાબિટીસ થવાના અહેવાલોને સાયન્ટીફીક સિદ્ધાંતોએ નકારી દીધા છે.
ભારતની વસ્તીમાં થતો વધારો છે ડાયાબિટીસનું કારણ
વાત કરીએ ટાઇપ 2 ડાયાબિટીસની તો એવો કોઈ પુરાવો નથી કે જે દર્શાવે કે દૂધ પીવાથી ડાયાબિટીસ થાય છે. ડાયાબિટીસના દર્દીઓની સંખ્યામાં ભારત વિશ્વમાં બીજા સ્થાને છે એનું કારણ દૂધ નથી પરંતુ ભારતની અધધ વસ્તી છે કે જે વિશ્વમાં બીજા ક્રમાંકે છે. નાની વયે પુરતા પ્રમાણમાં કસરત ના કરવાથી અને જંક ફૂડ ખાવાથી વજનમાં વધારો થાય છે અને લાંબાગાળે તે ડાયાબિટીસ થવાનું કારણ બને છે.
અફવા કરતા વૈજ્ઞાનિક તથ્ય પર ભરોસો કરવો
ભારત પહેલાથી જ વિશ્વમાં સૌથી વધુ કૂપોષિત બાળકો ધરાવે છે એવામાં દૂધનો વપરાશ બંધ કરવાથી ભારતમાં વધુ કૂપોષણ થઈ શકે છે. દૂધ એ ગર્ભવતી મહિલાઓ માટે પણ લાભદાયી છે. કોઈપણ અફવામાં આવ્યા વગર વૈજ્ઞાનિક તથ્ય પર ભરોસો કરવો અત્યંત જરૂરી છે.