સરકારી મેડિકલ કોલેજમાં MBBSનો અભ્યાસ કરે પણ સરકારી નોકરીઓમાં તબીબોને રસ નહિ !
તબીબોને સરકારી નોકરીમાં રસ નથી
છેલ્લા બે વર્ષમાં 1730 તબીબો હાજર ન થયા
બોન્ડના રૂ.49.35 કરોડ વસુલવાના બાકી
ગુજરાત સરકાર દ્વારા સરકારી નોકરીઓ બહાર પાડવામાં આવે છે પરંતુ છેલ્લા ઘણા સમયથી આપણે જોઇએ છીએ કે પેપરલીક અને ગેરરીતિના કેસ વધી રહ્યા છે. યુવાનો રાત દિવસ એક કરીને સરકારી પરીક્ષાઓ માટે તૈયારીઓ કરે છે તો બીજી તરફ પેપર ફૂટી જતા પરીક્ષાઓ રદ કરવાનો વારો આવે છે. રાજ્યના મોટાભાગનો યુવા વર્ગ ઇચ્છે છે કે પોતે સરકારી નોકરી કરે . સરકારી નોકરી માટે લાંચ આપતા પણ ખચકાતા નથી તો આ તરફ એવી તબીબોને સરકારી નોકરીઓમાં રસ જ નથી તેવું સામે આવ્યુ છે.
તબીબોને સરકારી નોકરીમાં રસ નથી
સરકારી કોલેજોમાં MBBS કરતા તબીબોને સરકારી નોકરીમાં રસ હોય તેમ લાગતુ નથી છેલ્લા બે વર્ષમાં 1 હજાર 730 તબીબો ફરજ પર હાજર ન થયા. ેક વર્ષ બાદ 1730 તબીબો પૈકી 1630 તબીબો હાજર ન થયા. હાજર ન થયેલા તબીબો પાસેથી બોન્ડના રૂ.49.35 કરોડ વસુલવાના બાકી છે. મહત્વનું છે કે વિધાનસભા ગૃહમાં રાજ્ય સરકાર વિધાનસભા ગૃહમાં જે આંકડા રજૂ કરે છે કે જે પ્રમાણે હોસ્પિટલમાં ડોક્ટરોનો સ્ટાફ હોવો જોઇએ તે પ્રમાણેનો સ્ટાફ મળી રહ્યો નથી. તો આ તરફ સરકારી મેડિકલ કોલેજો કે જેની ફી ઓછી હોય છે. જે બોન્ડેડ ડોક્ટરો હોય છે તેઓને અમુક સમય સુધી જે તે સરકારી હોસ્પિટલમાં જઇને સેવા આપવાની હોય છે.તેના આંકડાઓ સામે આવ્યા છે જે ખૂબ આશ્ચર્યજનક છે.
બોન્ડ વસૂલવા કોઇ કાર્યવાહી નહી
છેલ્લા બે વર્ષથી માત્ર 1730 તબીબોમાંથી માત્ર એક હજાર જ તબીબો હાજર થયા. બાકીના તબીબો પાસે બોન્ડ કરેલો છે તેમ છતાં તેઓ સરકારી હોસ્પિટલોમાં સેવા કરવા માટે રસ દાખવી નથી રહ્યા. જો કે છેલ્લા બે વર્ષથી સરકાર દ્વારા પણ બોન્ડની રકમ વસૂલવા માટે કોઇ કાર્યવાહી કરવામાં આવી નથી.