સંશોધન / સાવધાન! કોરોના બાદ હ્રદય રોગને લીધે મોતનું પ્રમાણ વધ્યું, સર્વેના ખુલાસાથી તબીબો ચિંતિત

• કોવિડ દર્દી પર થયેલા સર્વેના ખુલાસાથી તબીબો ચિંતિત
• કોવિડથી સાજા થનારામાં સુષુપ્ત વાયરસની હાજરીથી મોતનું જોખમઃ તબીબ
• કોરોના પછી હ્રદય રોગને લીધે મોતનું પ્રમાણ વધ્યુંઃ તબીબ

કોરોના વાયરસથી સાજા થયેલા દર્દીઓ પર એક સર્વે કરવામાં આવ્યો હતો. પોલી બાયોના સર્વેમાં ચોંકાવનારો ખુલાસો થતા તબીબો ચિંતિત બન્યા છે. આ અંગે ઇન્ડીયન મેડિકલ એસોસિએશન ગુજરાતના પૂર્વ પ્રમુખ ડોક્ટર ચંદ્રેશ જરદોશે વિગતવાર માહિતી આપી છે.

પોલી બાયોના સર્વેમાં ચોકવાનારો ખુલાસો થતા તબીબો ચિંતિત બન્યા
તેમણે જણાવ્યું કે, 'ઘણા કોવિડના દર્દીઓ સંપૂર્ણ સાજા થઈ જાય છે, ત્યારબાદ પણ છ મહિના કે વર્ષ પછી તેઓ ફરી ઓચિંતા માંદા પડે છે. લોહીનું ગંઠાઈ જવુ, હ્રદય રોગનો હુમલો આવવો અને કોઈક વખત મૃત્યુ પણ પામે પડે છે. આને લોન્ગ કોવિડ કહેવાય.'

કોવિડથી સાજા થયા પણ સુષુપ્ત વાઇરસ ની હાજરીથી મોતનું જોખમ: ડોક્ટર
ડૉ.ચંદ્રેશ જરદોશે જણાવ્યું કે, કોવિડના દર્દીઓને સંપૂર્ણ સારવાર આપી દીધી અને તેઓ સંપૂર્ણ સાજા થઈ જાય ત્યાર બાદ તેઓના શરીરના આંતરડામાં, મગજમાં અને કિડનીમાં આ કોરોનાનો વાયરસ સુષુપ્ત અવસ્થામાં પડ્યો રહેતો હોય છે અને ગમે ત્યારે તક આવે ત્યારે તે ફરી દર્દીને હેરાન કરે છે અને મોત પણ લાવે છે. સુષુપ્ત વાયરસ તેના માટે જવાબદાર છે.

કોવિડના દર્દીમાં જોવા મળ્યું સ્પાઈક પ્રોટીનઃ ચંદ્રેશ જરદોશ
તેમણે જણાવ્યું કે, પોલી બાયોના વૈજ્ઞાનિકો કોરોનાના દર્દીઓનું લોહી દર ત્રણ મહિને તપાસતા હતા, આ દરમિયાન એક વર્ષના અંતે પણ આ વૈજ્ઞાનિકોને આ કોવિડના દર્દીઓના લોહીમાં SARS-CoV-2 વાયરસના સ્પાઈક પ્રોટીન પણ જોવા મળ્યા હતા.

છેલ્લા 24 કલાકમાં નોંધાયા 91 નવા કેસ
ગુજરાતમાં કોરોનીની સ્થિતિ વિશે વાત કરીએ તો રાજ્યમાં છેલ્લા 24 કલાકમાં કોરોના વાયરસના નવા 91 કેસ નોંધાયા છે. જ્યારે 135 દર્દીઓએ કોરોનાને હરાવ્યો છે. આ સાથે 24 કલાકમાં રાજ્યમાં કોરોના વાયરસના કારણે એકપણ દર્દીનું મોત નીપજ્યું નથી. 

ગુજરાતમાં હાલ 810 એક્ટિવ કેસ
ગુજરાતમાં અત્યાર સુધીમાં 12,62,998 દર્દીઓએ કોરોનાને હરાવ્યો છે. રાજ્યમાં કોરોનાનો રિકવરી દર 99.07 થયો છે. તો રાજ્યમાં કુલ મૃત્યુઆંક 11,034 થયો છે. એક્ટિવ કેસની વાત કરીએ તો ગુજરાતમાં હાલ 810 એક્ટિવ કેસ છે.  જેમાં 4 દર્દીઓ વેન્ટિલેટર પર છે. જ્યારે 806 દર્દીઓ સ્ટેબલ છે.