ડોક્ટરને મહામાનવ માનવામાં આવે છે.. એમાં પણ સરકારી હોસ્પિટલમાં આવતા ગરીબ દર્દીઓ માટે તો સરકારી ડૉક્ટર સાક્ષાત ભગવાનનો અવતાર હોય છે. પણ આ ડોક્ટરને જ જો રાતો રાત કરોડપતિ થવાની ભૂખ જાગે તો તે ભવાનન નહી પણ દાનવ બની જાય છે..આવો જ કિસ્સો કચ્છમાં જોવા મળ્યો છે. જ્યા સરકારી હોસ્પિટલમાં ડોકટર સારવાર કરવાના રૂપિયા લઈ રહ્યો છે. ડુમરા પ્રાથમિક આરોગ્ય કેન્દ્રના ડોકટરનો લાંચ લેતો વીડિયો વાયરલ થયો છે. જેમાં દર્દીઓ પાસેથી ઇલાજના બદલે રૂપિયા ડોકટર રૂપિયા લઈ રહ્યો છે.. નિયમ પ્રમાણે સરકારી ડોક્ટર રૂપિયા લઈ શક્તો નથી. આ ડોક્ટરની ભૂખ એટલી બધી છે કે, સરકાર દ્વારા ગરીબો માટે મફત આપવામાં આવતી મોંઘી દવા પણ બારોબાર વેંચી રહ્યો છે. ગ્રામજનોએ આ ડોક્ટરનું સ્ટીંગ ઓપરેશન કર્યુઁ છે. જેમાં તે સરકારી એમ્બ્યુલન્સનો ઉપયોગ કરીને સરકારી દવાઓને પોતાના નિવાસસ્થાને લઈ જઈ રહ્યો છે. પોતાના નિવાસસ્થાનેથી આ ડોક્ટર દવાઓ બારોબાર વેંચી રહ્યો હોવાનો પણ ગ્રામજનો દ્વારા આક્ષેપ કરવામાં આવ્યો છે. આ ડોક્ટરની કરતુત જોઈને સવાલ એ થાય છે કે, કેટલા સમયથી હોસ્પિટલમાં આવુ કૌભાંડ ચાલી રહ્યુ છે. અત્યાર સુધીમાં ડોક્ટરે કેટલા દર્દીઓ પાસેથી રૂપિયા પડાવ્યા છે?