વડોદરા / ડૉક્ટર દંપતીએ ચાલાકીથી મેડી-ક્લેમ પાસ કરાવવા કર્યું આ કામ, વીમા કંપનીએ ખોલી નાખી પોલ

• વડોદરામાં તબીબ દંપતીને ખોટો મેડી ક્લેમ લેવો પડ્યો ભારે
• મેડી ક્લેમ લેવા માટે ખોટા ડોક્યુમેન્ટ ઊભા કરી બનાવી ફાઈલ
• વીમા કંપનીએ ડોક્યુમેન્ટની ખરાઈ કરતા થયો સત્યનો ખુલાસો

વડોદરામાં તબીબ દંપતીને મેડી ક્લેમને તકલીફ વધી ચૂકી છે. વડોદરાના એક તબીબ દંપતીએ ખોટા પુરાવાની ફાઈલ બનાવી હતી. જે બાદ વીમા કંપની સમક્ષ મેડી-ક્લેમ કર્યો હતો. ખોટા પુરાવા અને ખોટી માહિતીના આધારે મેડી-ક્લેમ કર્યા બાદ વીમા કંપની દ્વારા ચકાસણી કરવામાં આવી હતી. વીમા કંપની દ્વારા કરવામાં આવેલી ખરાઈમાં સમગ્ર મામલાનો ખુલાસો થયો હતો. 

બે વર્ષ અગાઉ પહેલા બંધ થયેલી લેબના રિપોર્ટ રજૂ થયા

બે વર્ષ અગાઉ બંધ થઈ ચૂકેલી લેબોરેટરીના નામે ખોટા ડોક્યુમેન્ટ રજૂ કરવામાં આવ્યા હતા. આ સાથે દર્દી તરીકે હોસ્પિટલમાં દાખલ પણ થયા નહોતા. તેમ છતાં હોસ્પિટલમાં દાખલ થયાનું ખોટું સર્ટિફિકેટ રજૂ કરીને વીમા કંપની સમક્ષ મેડી-ક્લેમ રજૂ કરાયો હતો.

તબીબ દંપતી વિરુદ્ધ નોંધાઈ પોલીસ ફરિયાદ 

ખોટા પુરાવાના આધારે તબીબ દંપતીએ રૂપિયા 2 લાખ 85 હજારનો વીમો ક્લેમ કર્યો હતો. જે બાદ વીમા કંપનીને પોતાની ચકાસણીમાં સમગ્ર મામલાની પોલી ખોલ થઈ હતી. અને તબીબ દંપતી ડૉ. ભાવેશ કુકડીયા અને ડૉ. સેજલ કુકડીયા વિરુદ્ધ પોલીસ ફરિયાદ પણ નોંધવામાં આવી હતી. વીમા કંપનીની ફરિયાદ આધારે ડૉ. ભાવેશ કુકડીયા અને ડૉ. સેજલ કુકડીયા વિરુદ્ધ કાર્યવાહી કરવામાં આવી રહી છે.