દેવભૂમિ દ્વારકાઃ ખંભાળિયાના જડેશ્વર સોસાયટીમાંથી ખંભાળિયા પોલીસે ખાનગી બાતમીના આધારે બોગસ ડૉક્ટરને પકડી પાડ્યો છે. ડીગ્રી વગર પ્રેક્ટિસ કરતો બોગસ ડૉક્ટર સલાયાના આરોગ્ય વિભાગનો જ કર્મચારી વિજય ગોડિયા હતો. ડોક્ટરની ડીગ્રી ન હોઈ છતાં દર્દીઓને એલોપથી અને આયુર્વેદિક દવાઓ આપી લોકોના સ્વાસ્થ્ય સાથે ચેડાં કરતો હતો.
ખંભાળિયા પોલીસે આ બોગસ ડૉક્ટરને હેલ્થ વિભાગ અને પંચોને સાથે રાખી રેડ દરમિયાન પકડી પાડવામાં આવ્યો છે. કાયદેસરની કાર્યવાહી હાથ ધરવામાં આવી છે. દવાઓનો જથ્થો અને સારવાર અંગેના સાધનો મળી કુલ 60 હજારથી વધુના મુદ્દામાલને જપ્ત કરવામાં આવ્યો છે.
આ પહેલા પણ ખંભાળિયા શહેર અને આસપાસના વિસ્તારમાંથી 6 જેટલા બોગસ ડૉક્ટર પકડાઈ ચુક્યા છે. છેલ્લા 10 દિવસમાં પોલીસે 3 બોગસ ડોકટરને પકડી પાડ્યા છે.