વડોદરામાં રેમડેસિવિર ઈન્જેક્શનનું બ્લેકમાં વેચાણ કરતા ડૉક્ટર અને એક બ્રધરની ધરપકડ, PCBએ 2 અલગ અલગ વિસ્તારમાં ટ્રેપ ગોઠવી હતી
રેમડેસિવિર ઇન્જેક્શન બ્લેકમાં વેચતો ડૉક્ટર ઝડપાયો
PCBએ ડૉકટર અને બ્રધરની કરી ધરપકડ
રેમડેસિવિર ઇન્જેક્શન બારોબાર વેચતા હતા
વડોદરામાં રેમડેસિવિર ઇન્જેક્શન વેચતો ડોક્ટર ઝડપાયો છે. PCBએ ડોકટર અને મેલ નર્સની ધરપકડ કરી છે. રેમડેસિવિર ઇન્જેક્શન બારોબાર વેચી મારતા હતાં. PCBએ 2 અલગ અલગ વિસ્તારમાં ટ્રેપ ગોઠવી હતી. રાવપુરા અને પાણીગેટમાં ટ્રેપ ગોઠવી હતી. આયુર્વેદિક ડોક્ટર અને સ્ટાફની અટકાયત કરવામાં આવી છે.
રેમડેસિવિર ઇન્જેક્શનનો મોટો જથ્થો પણ જપ્ત કરવામાં આવ્યા છે. રેમડેસિવિર ઇન્જેક્શન 7 હજાર 500 અને 9 હજારની કિંમતે વેચાતા હતાં. આરોપીઓ વિરુદ્વ ગુના દાખલ કરી કાર્યવાહી કરવામાં આવી છે. હજુ પણ કેટલાક મેડિકલ માફિયાના નામો ખુલે તેવી શકયતા છે.
વડોદરામાં કોરોનાની પરિસ્થિતિ
અમદાવાદ. રાજકોટ, સુરત અને વડોદરામાં સતત કોરોનાનું સંક્રમણ વધી રહ્યું છે. હોસ્પિટલમાં દર્દીઓની સંખ્યામાં વધારો થતાં વેન્ટિલેટરની પણ માગ વધી છે. ત્યારે હૈદરાબાદથી 100 વેન્ટિલેટર વડોદરા લવાયા છે. આ વેન્ટિલેટર સરકારી કોવિડ હોસ્પિટલ અને નિઃશુલ્ક બેડવાળી ખાનગી હોસ્પિટલમાં આપવામાં આવશે. ભારત ઇલેક્ટ્રોનિક્સ કંપની દ્વારા આ વેન્ટિલેટર બનાવવામાં આવ્યાં છે.
વડોદરામાં કોરોનાનું સંક્રમણ સતત વધી રહ્યુ છે શહેરમાં કન્ટેઈન્મેન્ટ ઝોનમાં પણ વધારો થઈ રહ્યો છે. કન્ટેઈન્મેન્ટ ઝોનમાં રહેતા દર્દીઓ તથા તેમના પરિવારજનો બજારમાં ફરતા હોવાની માહિતી સામે આવી છે. જેને લઈને શહેરમાં સતત કેસોનો વધારો પણ જોવા મળી રહ્યો છે. તંત્ર પણ આ માહિતીને લઈને હરકતમાં આવી ગયું છે. તથા જાહેરમાં સંક્રમિતો નજરે ચડશે તો તેમની પર પોલીસ કાર્યવાહી કરવાનું પણ તંત્ર દ્વારા નક્કી કરવામાં આવ્યું છે. ઉલ્લેખનીય છે કે શહેરના 7,916 જેટલા મકાનો કન્ટેઈન્મેન્ટ ઝોનમાં છે.