ભાવૂક પળ / મમ્મી હું રડતી નથી કારણ કે....: સુસાઇડ કરનાર ડૉક્ટરની દીકરીનો લેટર વાંચી રડી પડશો

• હચમચાવી નાખતો કિસ્સો
• માતાએ આપઘાત કરી લીધો પણ દિકરીને નથી જાણ
• પિતા પત્ર વાંચી પોક મુકી રડવા લાગ્યા

રાજસ્થાનના દૌસા જિલ્લાના લાલસોટમાં આવેલી એક ખાનગી હોસ્પિટલની લેડી ડોક્ટર અર્ચના શર્માની 8 વર્ષિય દિકરી શ્યામભવી ઉપાધ્યાયને હજૂ એ પણ નથી ખબર કે, તેની માતા હવે આ દુનિયામાં નથી રહી. માસૂમ દિકરીએ પોતાની મમ્મીના નામે એક ભાવુક ચિઠ્ઠી લખી છે, જેમાં તે કહી રહી છે કે, હું એટલા માટે નથી રડતી કેમ કે, હું રડુ છું તો બધાં રડવા લાગે છે. તેણે પોતાના મમ્મીના પાંચ નામ રાખ્યા છે પણ માસૂમ દિકરીને હજૂ એ પણ નથી ખબર કે, હાલમાં તો તે કોઈ પણ નામે પાછી આવવાની નથી. આ પત્ર સોશિયલ મીડિયા પર ખૂબ વાયરલ થઈ રહ્યો છે. તો દિકરી શ્યામભવી ઉપાધ્યાયના પિતા ડો. સુનીત ઉપાધ્યાયને એ નથી ખબર કે દિકરીએ પોતાની મમ્મીના નામે ભાવૂક ચિઠ્ઠી લખી છે. 

દિકરીનો પત્ર વાંચી પિતા ધ્રુસકેને ધ્રુસકે રડ્યા

તેના પિતાને જેવી ખબર પડી કે, તે પોતાના મોબાઈલમાં દિકરીએ લખેલા પત્રને વાંચીને ધ્રુસકેને ધ્રુસકે રડવા લાગ્યા. તે કહે છે કે, મારી દિકરી ત્રણ દિવસથી પોતાની નાની પાસે જયપુરમાં છે. હંમેશા આવી જ રીતે કંઈને કંઈ લખતી રહે છે. ક્યારેક દાદીના નામે તો, ક્યારે મારા નામે, ક્યારેક મમ્મીના નમે લેટર લખતી રહે છે. તેની માસીને કોઈએ પૂછ્યું કે, તારી બેનની દિકરી કેમ છે, તો તેણે આ લેટર બતાવીને કહ્યું કે, જુઓ આ લેટર પોતાના કોઈ મિત્રને લખીને ઝારખંડ મોકલવાનો હતો, જ્યાંથી તે વાયરલ થયો છે. 

પ્રસૂતાનું મોત થતા ડોક્ટર પર આરોપ લગાવ્યો

આપને જણાવી દઈએ કે, રાજસ્થાનના દૌસા જિલ્લામાં આવેલી આનંદ હોસ્પિટલમાં ડિલીવરી દરમિયાન પ્રસૂતાનું મોત થઈ ગયું હતું. જેનાથી નારાજ તેના પરિજનો શબની સાથે કેટલાય કલાક સુધી ધરણાં કર્યા હતા. પરિજનોએ મહિલા ડોક્ટર પર બેદરકારી કરવાનો આરોપ લગાવ્યો હતો, ત્યાર બાદ હોસ્પિટલ સંચાલક વિરુદ્ધ 302નો મામલો નોંધાવામાં આવ્યો હતો. ડો. અર્ચના શર્મા અને તેના પતિ વિરુદ્ધ FIR નોંઘવામાં આવી હતી. જેનાથી ગભરાઈને ડો. અર્ચના શાહે સુસાઈડ કરી લીધું હતું. ડો . અર્ચના શર્માને એક આઠ વર્ષની દિકરી છે અને એક 15 વર્ષનો દિકરો છે. 

ડોક્ટરે મરતા પહેલા સુસાઈડ નોટ લખી

ડોક્ટર અર્ચના શર્માએ મરતા પહેલા એક સુસાઈડ નોટ પણ લખી હતી. નોટમાં ડો. શર્માએ લખ્યું છે કે, હું મારા પતિ અને બાળકોને ખૂબ પ્રેમ કરું છું. મહેરબાની કરીને મારા પરિવારને હેરાન કરશો નહીં. મેં કોઈને નથી માર્યા, મારા મર્યા બાદ હું નિર્દોષ સાબિત થઈશ.  Donot harass innocent doctor Plz...love u...please  મારા બાળકોને માતાની કમી મહેસૂસ થવા દેતા નહીં.