કોરોના મહામારીએ દરેક વ્યક્તિના લાઇફ પ્લાન ફેઇલ કરી દીધા છે. લોકોએ પોતાના લગ્નની તારીખો પોસ્ટપોન કરી દીધી છે. ઘણા લોકોએ વિડીયો કૉલ પર લગ્ન કરી લીધા છે. ત્યારે લંડનના એક હોસ્પિટલમાં કામ કરતા ડૉક્ટર અને નર્સે જે હોસ્પિટલમાં કામ કરતા હતા એ જ હોસ્પિટલમાં લગ્ન કરી લીધા છે.
ઝેન ટીપીંગ અને ભારતીય મૂળના અન્નાલન નવરત્નમ બંને લંડનના થૉમસ હોસ્પિટલમાં કામ કરતા હતા. બંને ઓગસ્ટમાં લગ્ન કરવાના જ હતા પરંતું કોરોનાને લીધે બંનેએ પોતાનો પ્લાન કેન્સલ કરવો પડ્યો. લગ્ન બાદ બંનેને ઉત્તર આયરલેન્ડ અને શ્રીલંકા પણ જવું હતું પરંતુ કોરોના વાઇરસના કારણે બંનેએ પોતાના ઓરીજીનલ પ્લાન્સ કેન્સલ કરવા પડ્યા હતા.
ઝેન એક નર્સ છે જ્યારે અન્નાલન ડૉક્ટર છે. બંનેએ પ્રાઇવેટ વૅડિંગ સેરેમનીનું આયોજન કર્યું અને પોતાના પરિવાર માટે લગ્નનું લાઇવ સ્ટ્રીમિંગ પણ કર્યું. તમને જણાવી દઇએ કે બંને એ તે જ હોસ્પિટલમાં લગ્ન કર્યા છે જે હોસ્પિટલમાં તેઓ કામ કરતા હતા.
આ પ્રાઇવેટ સેરેમનીમાં તેમણે પોતાના પરિવારજનોની સામે વર્ચુએલ ડ્રિન્ક્સ પણ એન્જોય કર્યા હતા. ફર્સ્ટ ડાન્સ અને સ્પીચ પણ આપી હતી. હેલ્થ સેક્રેટરી મેટ હેનોકે ટ્વિટ કરીને જણાવ્યું હતું કે, જ્યારે ડૉક્ટર અને નર્સ માટે કામના કલાકો વધતા જાય છે તેવા સમયમાં આ કપલે લગ્ન કરીને એક અલગ જ ઉદાહરણ પૂરુ પાડ્યું છે. તેમણે કહ્યું કે આ સમયમાં જે જરૂરી છે આપણે એ કરવું જોઇએ.