તમારા કામનું / Credit Card કરવું છે બંધ? તો ફૉલો કરો આ નિયમ અને શરતો, જુઓ શું કહે છે RBI

• ક્રેડિટ કાર્ડ બંધ કરાવવા નહીં ખાવા પડે બેંકના ધક્કા 
• આ રીતે ઘરે બેઠા જ થઈ જશે કામ 
• એક મેસેજથી બંધ કરાવો ક્રેડિટ કાર્ડ 

છેલ્લા ઘણા વર્ષોમાં ક્રેડિટ કાર્ડનો ટ્રેન્ડ ઝડપથી વધ્યો છે. આ દિવસોમાં ક્રેડિટ કાર્ડ મેળવવું ખૂબ જ સરળ છે. ટ્રાન્ઝેક્શન સારો હોય તો બેંક પોતે જ તેના ગ્રાહકોને ક્રેડિટ કાર્ડ માટે અરજી કરવાની અપીલ કરે છે. 

RBIએ બનાવ્યા છે નિયમો 
પરંતુ તેને બંધ કરાવવું પણ એટલું જ મુશ્કેલ છે. જો કે રિઝર્વ બેંક ઓફ ઈન્ડિયા દ્વારા જારી કરાયેલા નિયમો અનુસાર ક્રેડિટ કાર્ડ બંધ કરવા માટે ગ્રાહકો દ્વારા કરવામાં આવેલી અરજીને તાત્કાલિક સ્વીકારવાની હોય છે.

પરંતુ તેમ છતાં કેટલીક બેંકો તેમના ફાયદાના કારણે તેમાં આનાકાની કરે છે. જો કે તે પહેલાં ગ્રાહકોએ બાકી રકમ ચૂકવવી પડશે, તમે બાકી ચૂકવણી કર્યા પછી જ ક્રેડિટ કાર્ડ બંધ કરવા માટે અરજી કરી શકો છો.

નહીં લગાવવા પડે બેંકના ચક્કર 
આવી સ્થિતિમાં જો તમે પણ ક્રેડિટ કાર્ડ બંધ કરાવવા માટે સતત બેંકના ચક્કર લગાવી રહ્યા છો, પરંતુ કોઈ નિષ્કર્ષ નથી આવી રહ્યો, તો અહીં અમે તમને સરળ પગલાં જણાવીશું. આના દ્વારા, તમારું ક્રેડિટ કાર્ડ ફક્ત એક અઠવાડિયામાં બંધ થઈ જશે.

શું કહે છે રિઝર્વ બેંક 
રિઝર્વ બેંક ઓફ ઈન્ડિયા દ્વારા જારી કરવામાં આવેલી સૂચનાઓ અનુસાર, ક્રેડિટ કાર્ડ બંધ કરવા માટે ગ્રાહકો દ્વારા કરવામાં આવેલી અરજીને સ્વીકારવી પડશે. તેમજ સાત દિવસમાં આ અંગે કાર્યવાહી કરવાની રહેશે. જો કે, આ માટે ગ્રાહકોએ તમામ બાકી રકમની ચૂકવણી કરી હોય તે જરૂરી છે. 

ક્રેડિટ કાર્ડ કંપનીઓ ગ્રાહકોને પોસ્ટ દ્વારા ક્રેડિટ કાર્ડ બંધ કરવા દબાણ કરી શકે નહીં. સાથે જ ક્રેડિટ કાર્ડ કંપનીઓ અને બેંકોએ સાત દિવસની અંદર ગ્રાહકો દ્વારા કરવામાં આવેલી અરજીને સ્વીકારવી પડશે. જો સાત દિવસમાં કાર્ડ બંધ નહીં થાય તો બેંકોએ 500 રૂપિયાનો દંડ ભરવો પડશે.

ક્રેડિટ કાર્ડ બંધ કરવા માટેના નિયમો અને શરતો

• ક્રેડિટ કાર્ડ બંધ કરવા માટે, તમારે સૌથી પહેલા બાકી બેલેન્સની ચૂકવવી પડશે.
• કાર્ડ બંધ કરતા પહેલા તમારા રિવોર્ડ પોઈન્ટનો ઉપયોગ કરી લો.
• તમામ ઓટો પેમેન્ટ અને ટ્રાન્ઝેક્શન બંધ કરાવી દો.
• જૂનું કાર્ડ ફેંકી દો અથવા તેને સંબંધિત બેંકમાં પરત કરો.

કેવી રીતે બંધ કરવું ક્રેડિટ કાર્ડ? 
જો તમે પણ તમારું ક્રેડિટ કાર્ડ બંધ કરવા માંગો છો, તો સંબંધિત બેંક અથવા કંપનીના કસ્ટમર કેર નંબર પર કૉલ કરો, બેંક કર્મચારીઓ સાથે વાત કરો અને કાર્ડ બંધ કરવા વિનંતી કરો. તમારી વિનંતી સ્વીકારવા પર, તમને બેંક દ્વારા ફોન કૉલ અથવા મેસેજ દ્વારા જાણ કરવામાં આવશે.

ઈમેલ દ્વારા બંધ કરો ક્રેડિટ કાર્ડ 
આ ઉપરાંત તમે મેઇલ દ્વારા તમારા ક્રેડિટ કાર્ડને બંધ કરવાની અરજી પણ કરી શકો છો. આ માટે તમામ દસ્તાવેજો સાથે ક્રેડિટ કાર્ડ બંધ કરવા સંબંધિત બેંકના ઈ-મેલ પર મેઈલ કરો. તમારી અરજી એક્સેપ્ટ કર્યા બાદ બેંક દ્વારા રિપ્લાય આપવામાં આવશે.