ગુજરાતમાં સવાર પડતાની સાથે ચાની ચુસ્કીઓ શરૂ થઈ જાય છે અને આ ચુસ્કી માટે દૂધની આવશ્યતા હોય છે. આ માટે લોકો અમૂલના સ્ટોલ પર પહોંચી જાય છે અને દૂધની ખરીદી કરે છે. ગુજરાતની આ બ્રાન્ડે પોતાની એક આગવી ઓળખ ઉભી કરીને દેશના ખૂણે ખૂણે પહોંચી છે. તમે કોઈ પણ જાહેર રસ્તા પર કે સંચાર માધ્યમોમાં 'અમૂલ દૂધ પીતા હૈ ઈન્ડિયા'.ના સ્લોગન સાંભળવા અને વાંચવા મળી જાય છે પરંતુ તાજેતરમાં આ અમૂલ બ્રાંડને લાંછન લગાડતી કેટલીક ઘટનાઓ સામે આવી છે.
થોડા સમય પહેલા સમગ્ર ગુજરાતમાંથી દૂધમાં મિલાવટ અને ખરાબ દૂધની ફરિયાદો ઉઠી હતી અને રાજ્યમાં અલગ અલગ જગ્યાએ ફ્રુડ઼ એન્ડ ડ્રગ્સ વિભાગે તપાસ હાથ ધરી હતી. ત્યારે હવે અમે આપને દૂધને લઈ એક એવી વાતનો પર્દાફાશ કરવાઈ જઈ રહ્યા છીએ જેનાથી તમારા પગ નીચેથી જમીન સરકી જશે.
દેશના કોઈ અંતરિયાળ ગામડાથી લઈને શહેર સુધી કોઈ એવુ નહીં હોય કે જે અમૂલ બ્રાન્ડથી પરિચિત ન હોય સમગ્ર દેશ અમૂલ દૂધ પીવે છે પણ વીટીવીના પડતાલમાં સામે આવ્યું છે કે આ બ્રાંડ દ્વારા ગ્રાહકો સાથે મોટી છેતરપીંડી કરવામાં આવી રહી છે. અમૂલ સિવાય ઉત્તમ ડેરીના દૂધમાં પણ ફેટ ઓછા જોવા મળ્યા હતા.
અમૂલ બ્રાન્ડ દ્વારા અનેક પ્રકારની દૂધની થેલી માર્કેટમાં જોવા મળે છે જેમ કે ગોલ્ડ ડાયમંડ શક્તિ ટી-સ્પેશિય વગેરેનો સમાવેશ થાય છે. આ વિવિધ વેરાયટીઓ આપ પ્રતિદિન અમૂલના સ્ટોલ પરથી ખરીદતા હશો. પરંતુ તમે ક્યારેય દૂધની થેલી પર નજર કરી છે ? અને જો કરી છે તો તેના પર લખેલી વિગતોની ક્યારેય ખરાઈ કરી છે ? કદાજ આપનો જવાબ ના હશે.
બધા માનતા હોય છે કે અમૂલ બ્રાન્ડ હોય તો પછી કંઈ કહેવાનું જ ન હોય. પરંતુ વીટીવીની પડતાલમાં સામે આવ્યું છે કે થેલી પર લખવામાં આવેલા દૂધના ફેટ ખોટા છે. જે ફેટ થેલી પર લખેલા હોય છે તે રીયાલીટી ટેસ્ટમાં ફેલ થયા છે. એટલે કે થેલી પર 6 ફેટનું દૂધ લખેલુ હોય તો તે ખરેખરમાં માત્ર 5 ફેટનું જ દૂધ હોય છે. ગ્રાહક પાસેથી 6 અથવા થેલી પર લખેલા ફેટના આધારે ભાવ અમૂલ દ્વારા લેવામાં આવે છે પરંતુ ગ્રાહકને તેટલા ફેટ મળતા નથી. ગ્રાહકની મોટા પાયે છેતરપીંડી કરવામાં આવી રહી છે.
આ સમગ્ર પર્દાફાશ મામલે અમૂલના સત્તાધીશોનો સંપર્ક કર્યો ત્યારે તેમણે કહ્યું કે અમૂલ બ્રાન્ડમાં કયારેય આવુ ન થાય અને જો થતું હશે તો અમે આની તપાસ કરાવી યોગ્ય પગલા ભરીશું.
મહત્વની વાત છે કે દેશની સૌથી મોટી સહકારી દૂધ ઉત્પાદક સંઘ અમૂલમાં આ પ્રકારની પોલમ પોલ ચાલી રહી છે. તે પહેલી નજરે તો માની શકાય તેવુ ન હતું પરંતુ જ્યારે આની પડતાલ કરવામાં આવી ત્યારે જે વસ્તુ સામે આવી એ તમારી સામે છે. હવે અમૂલના સત્તાધીશો હરકતમાં આવી ગયા છે અને તપાસનું આશ્વાસન આપી રહ્યા છે.