પરીક્ષા પે ચર્ચા / VIDEO: REELS પર PM મોદી બોલ્યા એવું કે હસી પડ્યા વિદ્યાર્થીઓ, વીડિયો થયો વાયરલ

• PM મોદીનો વિદ્યાર્થીઓ સાથે પરીક્ષા પે ચર્ચા કાર્યક્રમ
• ગુજરાતનાં પણ વિદ્યાર્થીઓ આ કાર્યક્રમમાં સામેલ
• ઓનલાઈન રીડિંગ કરો છો કે રીલ્સ જુઓ છો? - પીએમ મોદી 

સોશિયલ મીડિયા પરથી પરથી જે ધ્યાન હટે છે તેનો કોઇ ઉપાય?
પ્રધાનમંત્રી નરેન્દ્ર મોદીએ વિદ્યાર્થીઓને પૂછ્યું કે જ્યારે તમે ઓનલાઈન રીડિંગ કરો છો, ત્યારે ખરેખર તમે રીડિંગ કરો છો કે રીલ્સ જુઓ છો. ત્યાર બાદ હસતા હસતા પીએમ મોદીએ કહ્યું કે મેં તમને પકડી લીધા છે. તેઓ આગળ કહે છે કે ઓનલાઈન કે ઓફલાઈનથી કોઈ ફેર પડતો નથી. ઘણી વાર ક્લાસમાં પણ તમારી આંખો શિક્ષક તરફ હશે અને તમારું મન ક્યાંક બીજે જ હશે. ઓનલાઈન કે ઓફલાઈન માધ્યમ સમસ્યા નથી. મન સમસ્યા છે. જો તમારું મન ભણતરમાં ડૂબેલું છે, તો તમારા માટે ઓનલાઈન કે ઓફલાઈન કોઈ ફેર પડી શકે નહિ. 

સમય સાથે મધ્યામ પણ બદલાય છે 
આગળ પીએમ મોદી કહે છે કે જેમ સમય બદલાય છે તેમ માધ્યમ પણ બદલાય છે. જેમકે પહેલા ગુરુકુળો હતા, ત્યાં તો પ્રિન્ટિંગ પેપર પણ હતા નહી પણ સમય સાથે બધું બદલાય ગયું. 

2018 માં શરૂ કરાઇ હતી પરીક્ષા પે ચર્ચા

તમને જણાવી દઈએ કે, આ અનોખા કાર્યક્રમની શરૂઆત વડાપ્રધાન નરેન્દ્ર મોદીએ શાળા અને કોલેજના વિદ્યાર્થીઓ સાથે ચર્ચા કરવા માટે કરી હતી. પ્રથમ આવૃત્તિ "પરીક્ષા પે ચર્ચા 1.0" નું આયોજન 16મી ફેબ્રુઆરી, 2018ના રોજ તાલકટોરા સ્ટેડિયમ, નવી દિલ્હી ખાતે કરવામાં આવ્યું હતું. દર વર્ષે, મોદી 'પરીક્ષા પે ચર્ચા' કાર્યક્રમ દ્વારા વિદ્યાર્થીઓ સાથે વાર્તાલાપ કરે છે, તેમને પરીક્ષાના તણાવને દૂર કરવાના માર્ગો આપે છે, તેમને પ્રોત્સાહિત કરે છે. ગયા વર્ષે વિદ્યાર્થીઓ માટે પરીક્ષા પે ચર્ચામાં ઉપસ્થિત રહેવા માટે સ્પર્ધાનું આયોજન કરવામાં આવ્યું હતું. આ સ્પર્ધા MyGov એપ પર લોન્ચ કરવામાં આવી હતી. ત્યારે મોદીએ કહ્યું હતું કે આવો, આપણે સ્મિત સાથે અને તણાવ વગર પરીક્ષા આપીએ. 'પરીક્ષા પે ચર્ચા 2022'માં ભાગ લેવા માટે અગાઉથી નોંધણી કરાવવી પડશે. આ વખતે આ માટેનું રજીસ્ટ્રેશન 28 ડિસેમ્બરથી mygov.in પર ઉપલબ્ધ હતું. આ પ્રક્રિયા 28 ડિસેમ્બરથી 20 જાન્યુઆરી સુધી ચાલી હતી. પરીક્ષા પે ચર્ચામાં ધોરણ 9 થી 12 નાં વિદ્યાર્થીઓ, વાલીઓ અને શિક્ષકોનું રજિસ્ટ્રેશન થાય છે.

પીએમ મોદી વિવિધ શિક્ષકો સાથે વાતચીત પણ કરશે. આ સાથે જ વિદ્યાર્થીઓના વાલીઓ પણ આ કાર્યક્રમમાં ભાગ લેશે. તેઓ તેમના મનમાં ઉદ્ભવતા પ્રશ્નો વડાપ્રધાન મોદીને પૂછી શકશે. નવી દિલ્હીના તાલકટોરા સ્ટેડિયમમાં 'પરીક્ષા પે ચર્ચા' કાર્યક્રમનું આયોજન કરવામાં આવશે. આ વખતે સ્લોગન 'પરીક્ષા કી બાત, પીએમ સાથે' રાખવામાં આવ્યું છે.

નવસારીના એક વાલી પણ આજે 'પરીક્ષા પે ચર્ચા' કાર્યક્રમમાં PM Modiને પ્રશ્ન પૂછશે

નવસારીના એક વાલી પણ 'પરીક્ષા પે ચર્ચા' કાર્યક્રમમાં વડાપ્રધાન મોદીને પ્રશ્ન પૂછશે. વડાપ્રધાનને પ્રશ્ન પૂછવા માટે તેમની પસંદગી કરવામાં આવી છે.