અમુક સંશોધન પ્રમાણે વધુ બગાસા આવવા પાછળ કોઇ હેલ્થ પ્રોબલેમ પણ જવાબદાર હોઇ શકે છે. બગાસુ કેમ આવે છે તેના વિશે આજ સુધી કોઇ વૈજ્ઞાનિક ઠોસ રીતે જાણી શક્યા નથી.
વધુ બગાસા આવવા પાછળ કોઇ હેલ્થ પ્રોબલેમ પણ જવાબદાર હોઇ શકે
એર કન્ડિશન્ડ અથવા ઠંડીના વાતાવરણમાં વધુ બગાસા આવે છે.
એક થિયરી મુજબ આ એક ગાડરિયો પ્રવાહ છે એટલે કે તે ચેપી છે.
બગાસુ આવવા પાછળ અનેક કારણો હોઇ શકે છે જેમકે ઊંઘ, થાક, કંટાળો, આળસ વગેરે વગેરે.ઘણી વખત આપણને કોઇ બીજી વ્યક્તિને બગાસા ખાતી જોઇને પણ બગાસુ આવે છે, અમુક સંશોધન પ્રમાણે વધુ બગાસા આવવા પાછળ કોઇ હેલ્થ પ્રોબલેમ પણ જવાબદાર હોઇ શકે છે. બગાસુ કેમ આવે છે તેના વિશે આજ સુધી કોઇ વૈજ્ઞાનિક ઠોસ રીતે જાણી શક્યા નથી.
એક સંશોધન પ્રમાણે બગાસાને લઇને અત્યારે બે થિયરી ફરે છે. એક થિયરી મુજબ એર કન્ડિશન્ડ અથવા ઠંડીના વાતાવરણમાં વધુ બગાસા આવે છે. તેમજ જ્યારે આપણે થાકી જઇએ છીએ કે કંટાળી જઇએ છીએ ત્યારે મગજનું તાપમાન ઘણું ઉંચુ જતુ રહે છે જેને ઠંડુ કરવા માટે બગાસા આવે છે.
બગાસા થકી બહારની ઠંડી હવા અંદર જાય છે અને મગજ ઠંડુ થઇ ફરી કાર્યરત થવા લાગે છે. જ્યારે એક થિયરી મુજબ આ એક ગાડરિયો પ્રવાહ છે એટલે કે તે ચેપી છે. આપણા બ્રેઇનમાં મિરર ન્યુરો કોશિકાઓ આવેલી હોય છે જે અન્ય લોકોના હાવભાવ અને રીતભાતને કોપી કરતી હોય છે. જેને લીધે કોઇને બગાસા ખાતા જોઇને બગાસા આવવા લાગે છે.
આ બે થિયરી સુધી તો ઠીક છે, પરંતુ કેટલાક રિસર્ચમાં એવુ તારણ કાઢવામાં આવ્યુ છે કે જેને વધુ પડતા બગાસા આવતા હોય તેને શરીરમાં કેટલીક તકલીફો હોઇ શકે છે. આ બગાસા માણસને તેનો સંકેત આપે છે. ડોક્ટરો કહે છે કે બગાસુ આવવુ એક નેચરલ ક્રિયા છે. મગજમાં ઓક્સિજન ફ્લો ઘટી જાય અને કાર્બન ડાયોક્સાઇડ વધી જાય ત્યારે શરીર બગાસાં મારફતે બહારથી વધારાનો ઓક્સિજન લે છે. ઘણી વખત વિટામીન કે જરુરી તત્વોની ઉણપને લીધે પણ બગાસા આવે છે. આ સિવાય બગાસુ એક સાઇકોલોજિકલ બિમારી છે. જે એકને જોઇને બીજાને આવે છે. ક્યારેક અમુક બિમારીના સંકેત પણ બગાસાના લીધે મળી જતા હોય છે.
બગાસાનો મગજ અને હ્રદય વચ્ચે સંબંધ
શ્વાસ મારફતે લીધેલા ઓક્સિજનનો લગભગ 15 ટકા હિસ્સો મગજ જ વાપરી નાખે છે એટલે શરીરમાં બીજા ભાગને ઘણી વખત ઓક્સિજનની અછત લાગે છે અને બગાસા આવે છે. બગાસાનો સીધો સંબંધ તમારા મગજની સાથે હોય છે. ઉંઘ, નર્વસ સિસ્ટમ, સ્ટ્રેસ તમારા મગજ સાથે જોડાયેલા હોય છે. બ્રેઇનમાં કાર્બન ડાયોક્સાઇડ વધી જવાથી લંગ્સ પર સીધી અસર પડે છે તો બીજી તરફ શરીરમાં ઓક્સિજન ઘટી જાય તો બ્લડને પમ્પ કરવા માટે હ્રદયે વધારે મહેનત કરવી પડે છે. જેને લીધે હાર્ટ એટેકનુ જોખમ પણ વધી શકે છે. ઉંઘના લીધે બગાસા આવતા હોય તો થોડુ પાણી પી લેવું. થોડુ ચાલી લેવુ કે ચ્યુંઇગમ ચાવી લેવું. જો બગાસાનો સિલસિલો સતત ચાલુ રહે તો ડોક્ટરનો સંપર્ક કરવો.