સ્વાસ્થ્ય / ચોમાસામાં મળતી ખારેકના આટલા બધા ફાયદા જાણો છો?

ચોમાસાની આ સીઝનમાં ખારેક બેસ્ટ છે. બીજા કશાંમાથી તમને આટલા વિટામીન્સ કે મિનરલ્સ મળવાના નથી. કચ્છની ખારેક હવે વિદેશોમાં પણ ફેવરિટ અને ફેમસ બની છે. જેમ જેમ લોકો તેના લાભ જાણતા જાય છે તેમ તેમ તેની ડિમાન્ડ પણ વધવા લાગી છે. ખારેકમાંથી વિટામીન એ, વિટામીન સી, વિટામીન ઇ અને બી કોમ્પ્લેક્સ મળી આવે છે. આ સીઝનમાં જાતજાતના
રોગ થવાના કે ઇન્ફેક્શનના ચાન્સ પણ વધુ હોય છે. ખારેક તમને એ બધા રિસ્કમાંથી બચાવે છે. ચોમાસામાં હેલ્ધી રહેવા માટે અને શરીરને ઇન્ફેક્શનથી બચાવવા માટે સ્ટ્રોંગ ઇમ્યુનિટીની જરુર પડે છે. આ માટે પણ ખારેક ઉપયોગી છે.

ખારેક છે મિનરલ્સનો ભંડાર
ખારેકમાં મિનરલ્સ ભરપુર હોય છે. શાકાહારી ખોરાકમાં ભાગ્યેજ મળે તેનું આયર્ન ખારેકમાં સારી એવી માત્રામાં હોય છે. જે વ્યક્તિને ખુબ થાક લાગતો હોય, શારિરીક અને માનસિક કામ વધુ રહેતા હોય તેમણે ખારેક ખાવી જોઇએ, આયર્ન સિવાય ખારેકમાંથી ઝિંક , ફોસ્ફરસ, કોપર, સેલેનિયમસ, પોટેશિયમ પણ ભરપુર પ્રમાણમાં મળે છે. ચોમાસામાં થતા શરદી ઉધરસથી બચવા
માટે પણ ખારેક બેસ્ટ છે.

અન્ય ફાયદા
- ખારેકથી વર્ષો જુની કબજિયાત દુર થાય છે.
- વારંવાર શરદી થઇજતી હોય તે વ્યક્તિએ પણ ખારેક ભરપુર ખાવી
- તે કોલેસ્ટ્રોલની માત્રાને નિયંત્રિત કરીને હાર્ટ ડિસીઝનું રિસ્ક ઘટાડે છે.
- ખારેક ડાયાબીટીસ, ઉધરસ, નબળાઇ અને દાંતના દુખાવામાં પણ ઉપયોગી છે.
- વેઇટલોસ માટે પણ તે બેસ્ટ છે. સાંજે ચાર-પાંચ ખારેક ખાઇ લઇએ તો ભુખ લાગતી નથી.