બોલિવૂડ સેલેબ્સ અવાર-નવાર કોઈ પાર્ટી કે ઈવેન્ટમાં જોવા મળી જતાં હોય છે. પરંતુ કેટલાક લોકો એવા પણ હોય છે જેઓ લાઈમલાઈટથી એકદમ દૂર રહે છે. પછી ભલે તે કોઈ સુપરસ્ટારની પત્ની જ કેમ ન હોય. આજે અમે તમને એવા જાણીતા અભિનેતાની પત્ની વિશે જણાવી રહ્યાં છે જેના પિતા એક ખૂંખાર વિલન રહી ચૂક્યા છે. તે પબ્લિક ઈવેન્ટમાં બહુ ઓછી જોવા મળે છે. જી હાં, અમે વાત કરી રહ્યાં છે પ્રિયંકા ચોપડાની દીકરી અને શરમન જોષીની પત્ની પ્રેરણા ચોપડાની.
દિગ્ગજ એક્ટરની દીકરી છે શરમનની પત્ની
કોલેજ દરમિયાન જ બંને વચ્ચે પ્રેમ પાંગર્યો હતો
વર્ષ 2000માં બંનેએ ગુજરાતી રીત-રિવાજથી કરી લીધાં લગ્ન
પ્રેમ ચોપડાની ત્રણ દીકરીઓ છે, પ્રેરણા ચોપડા, પુનીતા ચોપડા અને રકિતા ચોપડા. શરમન જોષી અને પ્રેરણાના લગ્ન 15 જૂન 2000માં થયા હતા. આ બંને કપલના ત્રણ બાળકો પણ છે. બંનેની પહેલી મુલાકાત કોલેજ દરમિયાન થઈ હતી. પછી આ બંને ખાસ મિત્રો બની ગયા અને એક બીજાના પ્રેમમાં પડી ગયા.
વર્ષ 1999માં શરૂ થયેલી આ લોકોની લવ સ્ટોરી લગ્ન બંધનમાં બંધાઈ ગઈ. વર્ષ 2000માં આ બંનેએ ગુજરાતી રીત-રિવાજથી લગ્ન કરી લીધા. લગ્નમાં નજીકના મિત્રો અને પરિવારજનો સામેલ થયા હતા. લગ્ન વખતે શરમનના બોલિવૂડ કરિયરની શરૂઆત જ થઈ હતી. પ્રેમ ચોપડા સિનેમાજગતમાં વિલનનો રોલ નિભાવી સફળતાના એ શિખર પર પહોંચ્યા જેનું સપનું દરેક અભિનેતા જુએ છે. જોકે, આવી સફળતા હજી સુધી સરમનને મળી નથી.
શરમને મરાઠી અને ગુજરાતી થિયેટરથી તેના કરિયરની શરૂઆત કરી હતી. વર્ષ 1999માં આર્ટ ફિલ્મ ગોડમધરથી તેણે બોલિવૂડમાં ડેબ્યૂ કર્યું હતું. બોલિવૂડમાં વર્ષ 2001માં આવેલી ફિલ્મ સ્ટાઈલથી તેણે પોતાની ઓળખ મળી હતી. આ ફિલ્મ હિટ ગઈ અને શરમનના અભિનયની પ્રશંસા પણ થઈ.
પ્રેરણા એક બિઝનેસ વુમન છે. આ બંને કપલ એકબીજાની કંપની ખૂબ જ એન્જોય કરે છે. ફિલ્મી પરિવારની હોવાને કારણે પ્રેરણાની સલાહ માને છે. વર્ષ 2015માં આવેલી ફિલ્મ હેટ સ્ટોરી-3એ શરમન અને જરીન ખાન સાથેના બોલ્ડ સીન્સે બધાંને ચોંકાવી દીધી.
શરમનની છેલ્લા ઘણાં વર્ષોમાં કેટલીક સોલો ફિલ્મો પણ રિલીઝ થઈ છે, પરંતુ તેની ફિલ્મોને સફળતા મળી નહીં. અત્યારે શરમન તેની આગામી ફિલ્મ બબલૂ બેચલનના પ્રમોશનમાં લાગેલો છે.