દૂધને સંપૂર્ણ આહાર માનવામાં આવે છે. દૂધમાં વિટામિન, કેલ્શિયમ, પ્રોટીન, નિયાસિન, ફોસ્ફરસ અને પોટેશિયમ રહેલા છે.
ઘણા લોકોને દૂધ ન ભાવતુ હોવાથી પીવા માટે નાટક કરતા હોય છે અને તેમાં પણ ખાસ કરીને બાળકો દૂધથી દૂર ભાગે છે. રોજ એક ગ્લાસ દૂધ પીવાથી શરીર નિરોગી રહે છે પરંતુ શું તમને જાણો છો કે, ઠંડું દૂધ પીવા કરતા ગરમ દૂધ પીવાથી વધારે લાભ થાય છે.
- શરીરમાં રહેલા હાડકા અને દાંતને કેલ્શિયમની જરૂર હોય છે. રોજ ગરમ દૂધ પીવાથી દાંત અને હાડકાં મજબૂત થાય છે એટલે જ સવારે અને રાત્રે ઊંઘતા પહેલા ગરમ દૂધ પીવુ જોઇએ.
- દૂધમાં પ્રોટીનનું પ્રમાણ વધારે છે. માંસપેશીઓ માટે પ્રોટીન ખૂબ જરૂરી છે. સામાન્ય રીતે જિમમાં વર્કઆઉટ કરતા લોકો દૂધ કે મિલ્કશેક પીવાનું નથી ટાળતા કારણ કે તેમના શરીરને પૂરતી માત્રામાં પ્રોટીન મળી રહે છે. પ્રોટીનથી ભરપૂર હોવાને કારણે શાકાહારીઓ માટે દૂધ ચોક્કસથી પીવુ જોઇએ.
- જો કબજિયાત રહેતી હોય તો દૂધ ગુણકારી સાબિત થશે. પાચનશક્તિને મજબૂત બનાવવાનું કામ કરે છે. ડૉક્ટર પાસેથી કબજિયાતની દવા લેવા કરતાં રાત્રે ગરમ દૂધ પીશો તો આ સમસ્યામાંથી મુક્તિ મેળવી શકશો.
- શું તમને ખબર છે કે દૂધ પીવાથી શરીર હાઈડ્રેટેડ રહે છે. વર્કઆઉટ પૂરુ કર્યા પછી દૂધ પીવાથી શરીરને પોષણ મળે છે. ડીહાઇડ્રેશનથી બચવા માટે રોજ એક ગ્લાસ દૂધ પીવુ જોઇએ.
- ઓફિસમાં કામનું પ્રેશર વધવાથી ઘણી વખત ટેન્શનમાં આવી જવાય છે. એવામાં રાત્રે એક ગ્લાસ ગરમ દૂધ ટેન્શનને દૂર કરવાનો રામબાણ ઇલાજ છે.