કોરોના વાયરસ બાદ આવેલ બ્લેક ફંગસની બિમારી લોકોમાં ભારે ચર્ચાનો વિષય બન્યો છે. તેને લઇને ઘણા તર્ક વિતર્ક પણ થઇ રહ્યાં છે.
બ્લેક ફંગસને લઇને સોશ્યલ મિડીયામાં પોસ્ટ વાયરલ
ફ્રીજમાં રાખેલી ડુંગળી બ્લેક ફંગસ માટે જવાબદાર?
વાયરલ થઇ રહેલી પોસ્ટનું શું છે સત્ય
બ્લેક બાદ વ્હાઇટ અને યલો એમ અલગ અલગ ફંગસ આવ્યા છે. જેને લઇને લોકો ભારે ચિંતામાં છે. બ્લેક ફંગસની બિમારીનો ખર્ચો પણ ખુબ થાય છે માટે તેને લઇને લોકો વધારે સતર્ક બન્યા છે.
બ્લેક ફંગસની બિમારીને લઇને ઘણા તર્કો છે પરંતુ સોશ્યલ મિડીયા પર એક પોસ્ટ વાયરલ થઇ રહી છે જેમાં કહેવામાં આવી રહ્યું છે કે બ્લેક ફંગસ ઘરમાં રહેલી વસ્તુઓથી જ થાય છે. પોસ્ટમાં સાફ એવું કહેવામાં આવ્યુ છે કે ફ્રીજમાં રાખેલી ડુંગળીઓથી બ્લેક ફંગસ થાય છે.
વાયરલ પોસ્ટમાં શું લખ્યુ છે
સોશ્યલ મિડીયા પર વાયરલ થઇ રહેલી આ પોસ્ટમાં એવું કહેવામાં આવ્યું છે કે ઘરેલૂ બ્લેક ફંગસથી સાવધાન રહો. ઘણીવાર તમે ડુંગળી ખરીદો છો તેના પર એક કાળી પરત જોઇ શકાય છે. જે બ્લેક ફંગસનું કારણ બન્યુ છે. જો તેને નજર અંદાજ કરવામાં આવશે તો આ ફંગસ આરામથી ફ્રીજમાં રાખેલ વસ્તુઓ થકી તમારા શરીરની અંદર જતુ રહેશે.
ફ્રીજની અંદર બ્લેક ફંગસ
ઇન્ટરનેશનલ સેન્ટર ફોર જેનેટિક એન્જીનીયરિંગ એન્ડ બાયોટેક્નોલોજીના વૈજ્ઞાનિક નસીમે કહ્યું કે, ફ્રીજની અંદર ભીનાશ હોય છે એટલે ત્યાં કેટલાક બેક્ટેરિયા, યીસ્ટ બની શકે છે. એક રિપોર્ટ અનુસાર ફ્રીજમાં મળનારો બ્લેક ફંગસ સ્ટેચીબોટ્રીસ ચાર્ટરમ છે. જો ફ્રીજમાં આ પ્રકારનું કંઇ દેખાય તો તેને હટાવી લેવુ જોઇએ.
મ્યૂકર માટે કઇ ફૂગ જવાબદાર
મ્યૂકર્માઇકોસિસને પહેલા જાઇગોમાઇકોસિસના નામથી ઓળખવામાં આવતુ હતુ. આ એક ગંભીર પરંતુ દુર્લભ ફંગલ સંક્રમણ છે. આ વાતાવરણમાં રહે છે અને તે લોકોને પ્રભાવિત કરે છે જેને પહેલાથી જ હેલ્થ પ્રોબ્લેમ હોય. કારણકે તેમનામાં બિમારીથી લડવાની ક્ષમતા ઓછી હોય છે.
શું કહે છે એક્સપર્ટ
એક્સપર્ટનું સોશ્યલ મિડીયા પર વાયરલ થયેલી આ પોસ્ટ માટે કહેવું છે કે ફ્રીજમાં રાખેલી ડુંગળી પર બ્લેક લેયર નામની ફૂગ હોય છે તે મ્યૂકર્માઇકોસિસનથી હોતું. તસવીર સાથે કરવામાં આવી રહેલો આ દાવો ખોટો છે.