તમારા કામનું / શું તમારી પણ મહિને છે 87,500 સેલરી, તો નહીં આપવો પડે એક પણ રૂપિયા ટેક્સ, જાણો કેવી રીતે

• 2.5 લાખ રૂપિયા સુધીની આવક ટેક્સ ફ્રી છે
• NPS દ્વારા પણ ટેક્સ બેનિફિટ મેળવી શકાય છે
• તમારા પરિવાર માટે ઈન્શ્યોરન્સ પણ લઈ શકો છો

નાણાકીય વર્ષ પૂર્ણ થવામાં હવે ગણતરીના દિવસો બાકી છે. એવામાં દરેક વ્યક્તિ ટેક્સ બચાવવાના વિકલ્પ શોધી રહ્યા છે.   ઈનકમ ટેક્સ ભરનારાઓ માટે એક સારા સમાચાર છે. જો તમે પણ ટેક્સ ભરો છો તો હવે તમને ફાયદો થવાનો છે. તમને જણાવી દઈએ કે જો તમારી સેલેરી 10.5 લાખ રૂપિયા એટલે કે દર મહિને 87,500   છે તો તમે આ સેલરી પર પણ તમારો સંપૂર્ણ ટેક્સ બચાવી શકો છો. તમારે આટલી આવક પર એક રૂપિયો પણ ટેક્સ નહીં ભરવો પડશે. આવો જાણીએ કઈ રીતે.   

2.5 લાખ સુધીની આવક છે ટેક્સ ફ્રી
હાલના સમય પર 2.5 લાખ રૂપિયા સુધીની આવક ટેક્સ ફ્રી છે, પરંતુ તેમ છતા તમારે 10.5 લાખ સુધીના પગાર પર ટેક્સ ચૂકવવો નહી પડે. 

સ્ટાન્ડર્ડ ડિડક્શનથી બચાવી શકો છો 50,000 
જો તમારી વાર્ષિક આવક 10 લાખ 50,000 રૂપિયા છે તો તમે સ્ટાન્ડર્ડ ડિડક્શન મુજબ 50,000 રૂપિયા બચાવી શકો છો. આ સ્થિતિમાં તમારી ટેક્સેબલ ઈનકમ 10 લાખ રૂપિયા થઈ જાય છે.

80સીમાં મળશે 1.5 લાખની છૂટ 
આ સિવાય તમે ઈન્કમ ટેક્સ એક્ટ 1961ની કલમ 80સી મુજબ પૂરા 1.5 લાખ રૂપિયા સુધી ટેક્સ બેનિફિટ   લઈ શકો છો. જેમાં LIC, PPF સહિતની ઘણી સુવિધાઓ સામેલ છે. આ હિસાબે તમારી ટેક્સેબલ ઈનકમ માત્ર રૂ.8,50,000 થઈ જશે. 

NPS પર પણ બચશે 50,000
ઈનકમ ટેક્સ એક્ટ 1961ની કલમ 80CCD હેઠળ NPS દ્વારા પણ ટેક્સ બેનિફિટ મેળવી શકાય છે. જેમાં તમને 50,000 રૂપિયા સુધીની છૂટ મળશે, બાદમાં તમારી ટેક્સેબલ આવક માત્ર 8 લાખ રૂપિયા રહી જશે.

હોમ લોન 2 લાખની છૂટ
જો તમે કોઈ ઘર લીધુ છે અથવા તમારા નામ પર કોઈ હોમ લોન છે તો તમને ટેક્સમાં છૂટ મળી શકે છે. ઈન્કમ ટેક્સ એક્ટ 24B હેઠળ તમને 2 લાખ સુધીની છૂટ મળે છે. બાદમાં તમારી ટેક્સેબલ ઈનકમ માત્ર 6 લાખ રૂપિયા જ રહેશે.

ઈન્શ્યોરન્સ પર લઈ શકો છો 75,000 રૂપિયાની છૂટ 
ઈનકમ ટેક્સની કલમ 80D હેઠળ તમે એડિશનલ 75,000 રુપિયાનો ક્લેમ કરી શકો છો. તમે તમારા પરિવાર માટે ઈન્શ્યોરન્સ પણ લઈ શકો છો. આમ કરવાથી તમારી ટેક્સેબલ આવક માત્ર 5 લાખ 25 હજાર રૂપિયા રહી જશે.

દાન કરવાથી ટેક્સ બચશે
જો તમે કોઈ ઈનકમ ટેક્સ આપવા નથી માંગતા તો તમે 25 હજાર રુપિયા કોઈપણ સંસ્થા અથવા ટ્રસ્ટને દાન કરી શકો છો. તમે તેને ઈનકમ ટેક્સની કલમ 80G હેઠળ ક્લેમ કરી શકો છો.