ઇન્સટન્ટ મેસેજીંગ ઍપ ટેલિગ્રામ વિશે કદાચ જ કોઇ વ્યક્તિ હશે જે નહીં જાણતું હોય. વૉટ્સઍપની જેમ ટેલિગ્રામ પણ મેસેજીંગ માટે પોપ્યુલર એપ છે.
ટેલિગ્રામ યુઝ કરવા લાગશે ચાર્જ
2021માં રેવન્યુ જનરેટ કરવો પડશે
સીઇઓએ કર્યુ ટેલિગ્રામને લઇને એલાન
પ્રાઇવસી પસંદ કરનારા લોકો આ ઍપને ખુબ જ પસંદ કરે છે. ટેલિગ્રામ પર પ્રાઇવસીને લઇને કેટલાક ફીચર્સ મળે છે જે વૉટ્સઍપમાં નથી મળતાં પરંતુ હવે બની શકે કે ટેલિગ્રામ યુઝ કરનારા લોકોને પૈસા આપવા પડી શકે છે. કારણકે ટેલિગ્રામ ચલાવનાર કંપનીને હવે પૈસાની જરૂર પડી રહી છે.
ટેલિગ્રામના ફાઉન્ડર અને સીઇઓ Pavel Durov એ કહ્યુ કે બિઝનેસને ચલાવતા રહેવા માટે તેમને 2021માં રેવન્યુ જનરેટ કરવાની જરૂર પડશે. Pavel Durov ત્યાં સુધી કહ્યું કે, આ બિઝનેસ પાછળ તેમણે પોતાની પર્સનલ સેવિંગ પણ ખર્ચ કરી દીધી છે પરંતુ હવે યુઝર્સમાં વધારો થઇ રહ્યો હોવાથી તેમને વધારે ફંડની જરૂર પડશે.
ટેલિગ્રામ ક્યાં સુધી રહેશે ફ્રી
ટેલિગ્રામના ઍપ દુનિયાભરમાં 500 મિલીયનથી વધારે યુઝર્સ છે. ટેલિગ્રામ 2021થી રેવન્યુ જનરેટ કરશે. મોટાભાગના યુઝર્સને આ બદલાવની ખબર પણ નહી પડે પરંતુ ટેલિગ્રામના મોટા ભાગના ફીચર્ચ ફ્રી જ રહેશે કે જે અત્યારે પણ ફ્રિ છે. વન ઓન વન ચેટ્સ ઍડ ફ્રી રહેશે.
મહત્વનું છે કે કંપની કેટલાક નવા ફીચર એડ કરવાની છે જે બિઝનેસ ટીમ અને પાવર યુઝર્સ માટે હશે. જેમાંથી કેટલાક પ્રિમિયમ હશે જેના માટે યુઝર્સે પૈસા આપવા પડશે. કંપનીએ આ વાત ક્લિયર કરી છે કે રેગ્યુલર ટેલિગ્રામ યુઝર્સ માટે ટેલિગ્રામ એપ ફ્રી રહેશે.
ટેલિગ્રામ એક પ્રાઇવસી ફોક્સ્ડ મેસેજીંગ એપ છે જે ભારતમાં પણ ખુબ પોપ્યુલર થયુ છે. ભારતમાં લોકો ફિલ્મ અને સિરીઝ ડાઉનલોડ કરવા માટે ટેલિગ્રામનો ઉપયોગ કરે છે પરંતુ આ એપ ખુબ જ પ્રાઇવસીયુક્ત એપ છે. જેમાં તમે તમારી પ્રાઇવસીને લઇને એકદમ ચિંતામુક્ત થઇ જશો. હવે આ નવા નિયમો ક્યારથી લાગૂ પડે છે તે પણ કંપનીના સીઇઓ અને ફાઉન્ડર Pavel Durov જ જણાવશે.