ઘર્મ / નોમના દિવસે શ્રીગણેશને અચૂક ચઢાવો ઘી અને ગોળનો નૈવેદ્ય, ધનની સમસ્યા થશે દૂર

2 સપ્ટેમ્બર 2019 અને ચોથના દિવસથી શરૂ થયેલો ગણપતિનો ઉત્સવ આજે નોમ સુધી પહોંચ્યો છે. ગણેશજીની પૂજા સાથે જ દિવસની શરૂઆત કરવામાં આવે છે. નોમના દિવસે ગણેશજીને ખાસ ભોગ ચઢાવવામાં આવે છે. આ ભોગ તમે ઘરે જ સરળતાથી તૈયાર કરી શકો છો. સાથે જ નોમના દિવસે પૂજાની સાથે આ ખાસ ઉપાયો કરી લેવામાં આવે તો ધન સંબંધી તમામ સમસ્યાઓ દૂર થઈ જાય છે અને ગણેશજીની કૃપા કાયમ તમારા પર રહે છે.  જાણી લો આ દિવસે કરવામાં આવતા ખાસ ઉપાયો અને પૂજાની વિધિ અને ભોગ વિશે. 

નોમના દિવસે કરી લો આ ખાસ ઉપાય

• તમે આ દિવસે કોઈ પણ ગણેશ મંદિરમાં દર્શન કરો તો ભગવાનની કૃપા મળે છે.
• આ દિવસે ગરીબોને કપડા, ફળ અનાજ વગેરેનું દાન આપો. દાન કરવાથી શ્રીગણેશ પોતાના ભક્તો પર પ્રસન્ન થાય છે.
• ધન પ્રાપ્તિ માટે ભગવાન શ્રીગણેશને ધુદ્ધ ઘી અને ગોળનો ભોગ લગાવો. પછી તે ભોગ ગાયને ખવડાવી દો. આ ઉપાય કરવાથી ધન સંબંધી સમસ્યા દૂર થઈ જશે.
• કોઈ પણ કાર્યની સિદ્ધિ માટે બ્રાહ્મણને પૂજા કરીને ગોળ, આખા ધાણા, ઘી વગેરે દાન કરવાથી ધન પ્રાપ્તિ થાય છે.

• ગોળમાં દુર્વા લગાવીને બળદને ખવડાવવાથી રોકાયેલું ધન ઝડપથી પ્રાપ્ત થાય છે.
• ગોળ અને ઘીના પ્રસાદમાં અન્ય કંઈ નહીં તો સુખડીનો ભોગ પણ ધરાવી શકો છો. 
• જેટલા દિવસ ગણેશજી બેસાડો એટલા દિવસ દરમિયાન ગણેશજીને દુર્વા, મોદક, ગોળ, ફળ, માવા, મિષ્ઠાન વગેરે અર્પણ કરો. ભગવાન ગણેશ બધી મનોકામના પૂરી કરશે.
• ગણેશજીને પ્રિય એવા પ્રસાદ ધરાવો અને સાથે શક્ય તેટલું વધુ ભજન કીર્તન કરો. તેનાથી પણ ગણેશજી તમારા પર પ્રસન્ન થશે.