ચંદ્રગ્રહણની અશુભ અસરથી બચવા માટે કરો આ ઉપાયો

તા.31-1-2018 બુધવારના દિવસે સમગ્ર ભારતમાં ચંદ્રગ્રહણ દેખાવાનું છે. ગ્રહણ દરમ્યાન જો અમુક બાબતોનું જો ખાસ ધ્યાન રાખવામાં ન આવે તો આખા વર્ષ દરમ્યાન દરેક રાશિવાળાને મુશ્કેલીઓનો સામનો કરવો પડે છે. અહીં અમે જણાવી રહ્યા છીએ કે ગ્રહણ દરમ્યાન તમારે કઈ બાબતોનું ધ્યાન રાખવું જોઈએ.

ગ્રહણની શરૂઆત તા. 31-1-2018 બુધવારે સાંજે 6.24 વાગ્યાથી છે અને સમાપ્ત બુધવારે રાત્રે 8.42 વાગે થશે.

સવારે 8.15 વાગ્યાથી ગ્રહણનો વેધ બેસે છે તે માટે જમી શકાશે નહિ માત્ર પાણીનું સેવન કરી શકાશે.

માત્ર બાળકો વુદ્ઘો અને સગર્ભા સ્ત્રીઓ અને બિમાર વ્યકિતઓ બપોરના 2.30 વાગ્યા સુધી જમી શકશે ત્યારબાદ જમવું ન જોઇએ.

ઘરમંદિરમાં ઠાકોરજીને સવારે વેધ દરમ્યાન દૂધમાં બનાવેલો થાળ ધરાવી ગ્રહણના સ્પર્શ સમય પહેલાં રાત્રિનો થાળ ધરાવી દેવો.

ગ્રહણના સમયે (સાંજે 6.24થી રાત્રે 8.42 સુધી) ઘરમાં કે બહાર કોઇપણ પ્રકારના કાપડનો સ્પર્શ કરવો નહિ ઉન કે રેક્ઝિનના આસનને અડવામાં કોઇ વાંધો નથી.

ગ્રહણના સમય દરમિયાન મંદિર કે ઘરમાં સમૂહમાં ભગવાનનું ભજન-કીર્તિન કરવું અને સૂવાનું ટાળવું જોઇએ. 

ગ્રહણ પૂર્ણ થયા બાદ પહેરેલાં કપડે સ્નાન કરી રસોઇ બનાવીને જમવું.

શિક્ષાપત્રીના આદેશ મુજબ બીજા દિવસે મંદિર કે સંસ્કારઘામમાં અવશ્ય દાન કરવું.