કામની વાત / ફેસ્ટિવલ સીઝનમાં ઓનલાઈન શોપિંગ કરતા હોવ તો જાણી લો આ ખાસ ટિપ્સ, થશે વધુ ફાયદો

• ફેસ્ટિવ સીઝનમાં રાખો ધ્યાન
• ઓનલાઈન શોપિંગમાં અપનાવો આ ટિપ્સ

કોઈપણ પ્રોડક્ટ ખરીદતા પહેલાં તેની કિંમત અન્ય સાઈટ્સ પર ચેક કરો

તમે  mysmartprice.com, compareraja.in અને buyhatke.com જેવી વેબસાઈટ પર જઈને પ્રોડક્ટ્સની કિંમત ચેક કરી શકે છે. આ સાથે જ તમે બજારમાં જઈને પણ પ્રોડક્ટ્સની કિંમત ચેક કરી શકો છો. 

ઓનલાઈન શોપિંગ કરતાં પહેલાં ડિસ્કાઉન્ટ અમાઉન્ટ સમજો

ઓનલાઇન શોપિંગ દરમિયાન કંપનીઓ કોઈ ચોક્કસ બેંકના ડેબિટ અથવા ક્રેડિટ કાર્ડ દ્વારા કરવામાં આવતી ખરીદી પર ડિસ્કાઉન્ટ આપે છે. પરંતુ તેની પણ એક મર્યાદા હોય છે. માની લો કે કોઈ કંપની પ્રોડક્ટ ક્રેડિટ કાર્ડથી ખરીદવા પર 10 ટકા ડિસ્કાઉન્ટ આપી રહી છે, પરંતુ મહત્તમ ડિસ્કાઉન્ટ ફક્ત 1 હજાર રૂપિયા છે, આવા કિસ્સામાં જો તમે 20 હજારનું પ્રોડક્ટ ખરીદો છો, તો તમને તેના પર 2 હજાર ડિસ્કાઉન્ટને બદલે ફક્ત 1 હજાર રૂપિયા જ છૂટ મળશે.

ઓનલાઈન શોપિંગમાં કેશબેક સ્કીમ છે જટિલ

કેશબેક ઓફર ઓનલાઈન શોપિંગને ઘણી વખત જટિલ બનાવી છે. ઘણી કંપનીઓ કેશબેક ઓફરના પ્રાઈસને કસ્ટમરના એકાઉન્ટમાં ક્રેડિટ ન કરીને પોતાની કંપનીના વોલેટ અકાઉન્ટમાં ક્રેડિટ કરે છે. 

સાથે જ કોઈ વેબસાઈટ પર શોપિંગ કરતા પહેલાં તેના URLને અવશ્ય ચેક કરો. જો તેમાં તાળાનું નિશાન છે અને એ પછી secure લખેલું છે અને વેબ એડ્રેસથી પહેલાં https લખેલું છે કે નહીં આ બધી બાબતો નોંધાયેલી છે તો અહીં શોપિંગ કરવી સેફ છે.