આસ્થા / ભોલેનાથને પ્રસન્ન કરવા માટે સોમવારના દિવસે કરો આ ખાસ ઉપાય, દૂર થશે ટેન્શન અને પૂરી થશે દરેક મનોકામના

• સોમવારનો દિવસ ભગવાન શિવને સમર્પિત
• સોમવારના દિવસે ભોલેનાથને પ્રસન્ન કરવા કરો આ ઉપાય 

આપણા હિંદુ ધર્મ પ્રમાણે દરેક વાર કોઈને કોઈ દેવી દેવતાઓને સમર્પિત છે અને આવતી કાલે એટલે કે સોમવારનો દિવસ ભગવાન શિવને સમર્પિત કરવામાં આવ્યો છે. સોમવારે ભગવાન શિવની પૂજા કરીને અને ઉપવાસ કરવાથી ભોલેનાથની કૃપાદ્રષ્ટિ તેના ભક્તો પર બની રહે છે. ખાસ કરીને સોમવારે ભોલેનાથની પૂજા કરવાનું વિશેષ મહત્વ છે. અને માન્યતાઓ અનુસાર સોમવારે ભગવાન શિવની પૂજા કરીને ઉપવાસ રાખવાથી તે તેમના ભક્તોને આશીર્વાદ આપે છે. ભોલેનાથના આશીર્વાદથી જીવનમાં સુખ-સમૃદ્ધિ આવે છે. આવતીકાલે એટલે કે સોમવારે ભોલેનાથને પ્રસન્ન કરવાના કેટલાક ખાસ ઉપાય વિશે અમે તમને જણાવી રહ્યા છીએ.

સોમવારના દિવસે ભોલેનાથને પ્રસન્ન કરવા કરો આ ઉપાય 

- સોમવારના દિવસે ભોલે બાબાને પ્રસન્ન કરવા માટે તલ અને જવ ચઢાવવા જોઈએ. સોમવારે એ ઉપાય કરવાથી પાપમાંથી મુક્તિ મળે છે

- આ સાથે જ સોમવારે ભગવાન શિવને ચંદન, દૂધ, ગંગાજળ, અક્ષત, બેલપત્ર, ધતુરા અથવા આકૃતિના ફૂલ ચઢાવોથી પણ ભોલેનાથ પ્રસન્ન થાય છે

- સોમવારે સફેદ વસ્ત્ર પહેરીને શિવ મંદિરમાં જઈને પૂજા કરવી જોઈએ

- ગરીબી દૂર કરવા માટે કોઈપણ શિવ મંદિરમાં દરિદ્રદહન સ્તોત્રનો પાઠ કરવો જોઈએ અને આમ કરવાથી ગરીબી દૂર થાય છે

- ભોલેનાથનો આશીર્વાદ મેળવવા માટે સોમવારે ગરીબોને ભોજન અર્પણ કરવું જોઈએ, આમ કરવાથી ઘરમાં હંમેશા અન્નપૂર્ણાનો વાસ રહે છે. 

-  સોમવારે 21 બેલપત્ર પર ઓમ નમઃ શિવાય લખીને શિવલિંગ પર ચઢાવવા જોઈએ. 

- સોમવારના દિવસે ચંદ્રદેવ 'ચંદ્રશેખર સ્તોત્ર'નો પાઠ કરવાથી ચંદ્ર મજબૂત થાય છે

- આપણે બધાને ખબર છે કે નંદી ભગવાન શિવને ખૂબ પ્રિય છે અને સોમવારે નંદી બળદને ઘાસ ખવડાવવું શુભ માનવામાં આવે છે 

- આ સિવાય ખાસ સોમવારે મહામૃત્યુંજય મંત્રનો 108 વાર જાપ કરવો જોઈએ 

- સોમવારના સૂર્યાસ્ત પછી શિવ મંદિરમાં દીવો દાન કરો અને ત્યાં 108 વાર ઓમ નમઃ શિવાયનો જાપ કરવો જોઈએ.