આસ્થા / આર્થિક તંગી દૂર કરવા શરદપૂનમના દિવસે ખાસ કરો આ નાનો ઉપાય, મા લક્ષ્મીની કૃપાથી ચમકી ઉઠશે કિસ્મત

• શરદ પૂર્ણિમાના દિવસે મા લક્ષ્મી પૃથ્વી પર પોતાની કૃપા વરસાવે છે
• શરદ પૂર્ણિમાના દિવસે ચંદ્રના દર્શન કરવાથી વ્યક્તિ સ્વસ્થ રહે છે
• શરદ પૂર્ણિમાના દિવસે આ ઉપાય કરવાથી દરેક સમસ્યામાંથી મુક્તિ મેળવી શકાય

માન્યતા અનુસાર આ શરદ પૂર્ણિમા પર ચંદ્ર 16 કલાઓથી સજ્જ થઈને પૃથ્વીની સૌથી નજીક આવે છે. શરદ પૂર્ણિમાને કોજાગરી પૂર્ણિમા, કૌમુદી વ્રત અને રાસ પૂર્ણિમા તરીકે પણ ઓળખવામાં આવે છે આ વખતે શરદ પૂર્ણિમા 09 ઓક્ટોબર, 2022ના રોજ આવી રહી છે. આ સાથે એવી ધાર્મિક માન્યતા છે કે શરદ પૂર્ણિમાના દિવસે સમુદ્ર મંથન પછી મા લક્ષ્મી પ્રગટ થયા હતા અને એ કારણે શરદ પૂર્ણિમાના દિવસે મા લક્ષ્મી પૃથ્વી પર પોતાની કૃપા વરસાવે છે. 

કહેવાય છે કે આ શરદ પૂર્ણિમાના દિવસે ચંદ્રના દર્શન કરવાથી વ્યક્તિ સ્વસ્થ રહે છે.આ સાથે જ જ્યોતિષ શાસ્ત્રમાં ઘણા ઉપાય જણાવવામાં આવ્યા છે જે શરદ પૂર્ણિમાના દિવસે કરવાથી દરેક સમસ્યામાંથી મુક્તિ મેળવી શકાય છે. આજે અમે તમને એ ઉપાયો વિશે જણાવવા જઈ રહ્યા છીએ.. 

આર્થિક તંગી દૂર કરવાના ઉપાયો 
આર્થિક તંગી દૂર કરવા માટે શરદ પૂર્ણિમાની રાત્રે મા લક્ષ્મીની વિધિવત પૂજા કરવી જોઈએ અને સાથે જ 5 કોડીઓ પણ અર્પણ કરવી જોઈએ. પૂર્ણિમાના બીજા દિવસે આ કોડીઓને લાલ કપડામાં લપેટીને તિજોરીમાં રાખવામાં આવે છે. આમ કરવાથી પૈસા સંબંધિત બધી સમસ્યાઓ દૂર થાય છે. 

સારા સ્વાસ્થ્ય માટે 
શરદ પૂર્ણિમાની રાત્રે ખીર બનાવીને તેને છત પર આકાશની નીચે રાખો અને આ પછી બીજા દિવસે સવારે તે ખીર ખાઓ. માન્યતા અનુસાર શરદ પૂર્ણિમાના દિવસે ખીરનો આ ઉપાય કરવાથી સ્વાસ્થ્ય સારું રહે છે. 

નોકરી-ધંધામાં આવતી સમસ્યા દૂર કરવા 
શરદ પૂર્ણિમાના દિવસે મા લક્ષ્મી અને હનુમાનજીની સામે ચારમુખી દીવો પ્રગટાવવાથી નોકરીમાં પ્રમોશન અને બિઝનેસમાં ધનલાભનો યોગ બને છે.

મા લક્ષ્મીને ભોગ 
શરદ પૂર્ણિમાના દિવસે મા લક્ષ્મીની પૂજાનું ખાસ મહત્વ છે. એ દિવસે ખાસ મા  લક્ષ્મીની કૃપા મેળવવા માટે તેમને સફેદ રંગની મીઠાઈનો ભોગ લગાવવાથી લક્ષ્મીની સાથે ભગવાન વિષ્ણુની પણ કૃપા પ્રાપ્ત થાય છે.