આસ્થા / વર્ષની છેલ્લી પૂર્ણિમાના દિવસે કરી લો આ ઉપાય, થશે ધનની પ્રાપ્તિ, જાણો ધાર્મિક મહત્વ

હિંદુ ધર્મમાં પૂનમનું આગવું મહત્વ છે. પૂનમના દિવસે સ્નાન અને દાન કરવાથી પુણ્ય ફળની પ્રાપ્તિ થાય છે. આ સિવાય આ દિવસે વ્રત રાખવાથી અને ભગવાન સત્યનારાયણની પૂજા અને કથા સાંભળવાથી ઘરમાં સુખ, સમૃદ્ધિ આવે છે. પૂનમના દિવસે કોઈપણ પવિત્ર નદીમાં સ્નાન કરવાથી વ્યક્તિને તમામ પાપોમાંથી મુક્તિ મળે છે. આપણે અહીંયા જાણીશું કે 2024ની છેલ્લી પૂનમ ક્યારે છે અને સ્નાન અને દાન માટે કયો શુભ સમય રહેશે.

• વર્ષ 2024 ની છેલ્લી પૂનમ ક્યારે ?
  આ વર્ષની છેલ્લી પૂનમ 15 ડિસેમ્બર 2024ના રોજ છે. પંચાંગ અનુસાર માગશર મહિનાની પૂનમની તિથિ 14 ડિસેમ્બરે સાંજે 4.58 કલાકે શરૂ થશે અને 15 ડિસેમ્બરે બપોરે 2.31 કલાકે પૂર્ણ થશે. ઉદયા તિથિ અનુસાર માગશરની પૂનમ 15 ડિસેમ્બરે જ ઉજવવામાં આવશે.

• માગશર પૂનમે સ્નાન-દાન મુહૂર્ત
  માગશર પૂનમના દિવસે સ્નાન અને દાન માટે બે સમય શ્રેષ્ઠ રહેશે. જેમાં 15મી ડિસેમ્બરે સવારે 5.17 થી 6.12 સુધી બ્રહ્મ મુહૂર્ત રહેશે. અને અભિજીત મુહૂર્ત સવારે 11:56 થી 12:37 સુધી રહેશે. આ બંને શુભ મુહૂર્તમાં તમે સ્નાન કરી દાન કરીને પુણ્ય ફળની પ્રાપ્તિ કરી શકો છો.

વધુ વાંચો : લગ્નમાં આવી રહી છે અડચણ? તો વિવાહ પંચમીના દિવસે કરો આ કાર્ય, મળશે લાભદાયક ફળ

• પૂનમનું મહત્વ

કોઈ પણ પૂનમના દિવસે ભગવાન વિષ્ણુની પૂજાનું વિશેષ મહત્વ છે. આ સિવાય માગશર પૂનમના દિવસે ચંદ્રદેવની પૂજા કરવાની પણ પરંપરા છે. માન્યતા મુજબ આ દિવસે ચંદ્રદેવ અમૃતથી પરિપૂર્ણ થયા હતા. એવામાં જો કોઈ વ્યક્તિની કુંડળીમાં ચંદ્ર નબળો હોય તો તેને પૂનમના દિવસે ચંદ્રની પૂજા કરવી જોઈએ અને મંત્રોનો જાપ કરવો જોઈએ. આ સિવાય સફેદ વસ્તુઓનું દાન કરવુ જોઈએ.

(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ