2019ના પ્રથમ દિવસે કરો આ કામ વર્ષ દરમિયાન થશે ફાયદો

નવા વર્ષની શરૂઆતને થોડા કલાક જ બાકી છે. નવા વર્ષનું સ્વાગત કેટલાક લોકો પાર્ટી મનાવીને કરશે તો કેટલાક લોકો નિયમિત રીતે કરશે. બધા ઇચ્છતા હોય છે કે પોતાનું નવુ વર્ષ હસતાં-હસતાં વિતે બધા ઇચ્છતા હોય છે કે આવનાર નવા વર્ષમાં તેમને દરેક જગ્યાએ સફળતા મળે. આજે અમે તમને જણાવશું એવા કેટલાક ઉપાયો જે કરવાથી તમને ચોક્કસ નવા વર્ષમાં સફળતા મળશે.

નવા વર્ષની શરૂઆત સકારાત્મક વિચારોથી કરો. જેથી વર્ષ દરમિયાન તમને શાંતિ મળશે. આ ઉપરાંત વર્ષની શરૂઆત ઘરના વડિલોના આશિવાર્દથી કરો. માનવામાં આવે છે કે વડિલોનો હાથ જ્યાં સુધી આપણા પર છે ત્યાં સુધી આપણને સફળ થતાં કોઇ નહીં રોકી શકે.

નવા વર્ષમાં કોઇપણ ટુટેલી વસ્તું ઘરમાં ન રાખો કારણ કે ઘરમાં ટુટેલી વસ્તુંને બેડલક માનવામાં આવે છે. તેનાથી ઘરમાં આળસ પેદા થાય છે. જેથી નવા વર્ષના પ્રથમ દિવસે જ ઘરમાં મસ્ત સફાઇ કરી દો. 

નવા વર્ષના પ્રથમ દિવસે ઘરમાં અને પાકિટમાં રોકડ રકમ રાખવી જોઇએ. જેથી આખા વર્ષમાં તમને આર્થિક તંગી નહીં આવે. આ ઉપરાંત પ્રથમ દિવશે ઘરમાં પૂજા-પાઠ કરવા જોઇએ.