મોં પર કરચલીઓ જોવી કોને ગમે? યુવાન દેખાવવાની ઇચ્છા બધાને હોય છે અને તેના માટે લોકો બજારમાંથી મળતા મોંઘાં એન્ટિ એજિંગ ક્રીમ ખૂબ જ ખરીદતા હોય છે. પૈસાદાર લોકો તો બોટોક્સ ઇન્જેક્શન્સ અને મોઁઘા ફિલર્સનો પણ સહારો લે છે. પરંતુ તાજેતરમાં જ થયેલી એક શોધ તમારા હોંશ ઉડાવી દેશે. આ શોધ અનુસાર યુવાન દેખાવવા માટે સવારે માત્ર એક મિનિટ જ ફાળવવાની રહેશે અને તમે કાયમ માટે યુવાન દેખાશો.
એક શોધ અનુસાર ઉલિયુ એ ઉંમર વધતી રોકવાની સૌથી અસરકારક દવા છે. શોધ અનુસાર તમારા મોંમાં બેક્ટેરિયાનું બેલેન્સ જળવાઇ રહે તો તમે યુવાન દેખાવ છો આ શોધ માટે 200થી વધુ બાળકો પર કરવામાં આવ્યુ હતુ.
મોંના બેક્ટેરિયા નાઈટ્રિક ઓક્સાઈડ નામનું તત્વ પેદા કરે છે. તે આપણા ડેમેજ થયેલા કોષો અને જૂના કોષોને નવજીવન આપે છે. નાઇટ્રિક ઓક્સાઇડમાં દુનિયામાં અગ્રણી નિષ્ણાંત ડો. નથેન બ્રાયન જણાવે છે કે “મેટલના ઉલથી રોજ સવારે પાંચ સેકન્ડ ઉળ ઉતારવામાં આવે તો તે મોંમા જામી ગયેલા ફૂડ પાર્ટિકલ્સને દૂર કરશે અને સારા બેક્ટેરિયાને વિકસવા માટે જગ્યા આપશે.''
બ્રાયને વધુમાં જણાવ્યુ કે આપણી જીભ પરના બેક્ટેરિયા આખા શરીરમાં નાઇટ્રિક ઓક્સાઇડના ઉત્પાદનમાં 50% ફાળો આપે છે. ઉલ ઉતારવાથી સારા બેક્ટેરિયાને વિકસવાની તક મળે છે અને વધારે નાઇટ્રિક ઓક્સાઇડ શરીરમાં પેદા કરી શકે છે. ઘણા લોકો બ્રશથી જીભ સાફ કરવાની આદત હોય છે. પરંતુ સૌથી વધુ અસરકારક ધાતુના યુ શેપના ઉલિયા હોય છે. તે પ્લાસ્ટિક ઉલ કરતા પણ વધારે અસરકારક છે.
વ્યક્તિની જેમ જેમ ઉંમર થતી જાય તેમ તેમ તેના શરીરમાં ક્ષતિયુકત ડીએનએ બનવાના ચાલુ થઇ જાય છે. આથી કોષોને જોઇએ તેટલી એનર્જી મળતી નથી. વશી સ્ટેમસેલ્સ પણ નબળી પડી જતા તે શરીરનું ડેમેજ રિપેર કરવાની ક્ષમતા ગુમાવી દે છે. આપણા મોંમાં રહેલા સારા બેક્ટેરિયા આ ત્રણેય પ્રક્રિયાઓને નિયંત્રિત કરે છે અને તે શિથિલ થતા અટકાવી દે છે. જેને કારણે શરીરનું એજિંગ ધીમું પડી જાય છે.
મોંમાં રહેલા સારા બેક્ટેરિયા નાઈટ્રિટ્સ નામનું કેમિકલ પેદા કરે છે. આ કેમિકલ તમારી લાળમાં બને છે. તમે તેને ગળો ત્યારે તે પેટના એસિડ સાથે ભળીને નાઇટ્રિક ઓક્સાઇડ બનાવે છે. આથી આ તત્વ શરીરના બઘા જ કોષોને ઘરડા થતા અટકાવે છે. આર્યુવેદમાં પણ આમ એટલે કે મોંને સ્વચ્છ કરવાનો ઉલ્લેખ છે.