શિયાળાની સીઝન શરૂ થઈ ગઈ છે અને આ સીઝનમાં બજારમાં લીલા શાકભાજી આવવા લાગે છે. જો તેમાં આપણે જો પાલકની વાત કરીએ આ એક એવી ભાજી છે જેનો ઉપયોગ આખુ વર્ષ ખાવા માટે કરવામાં આવે છે.
પાલક સ્વાસ્થ્ય માટે પણ સારી છે. તમે માત્ર પાલકની ખેતી કરો તો પણ લાખો રૂપિયાનીઆવક મેળવી શકો છો. આ એક એવી ખેતી છે જેમાં ખર્ચ ઓછો આવે છે અને બહુજ ઓછો સમયમાં સારો નફો મળે છે.
1 હેકટર જમીનમાં 150-250 ક્વિન્ટલ પાલક ઉગાડી શકાય છે. તેને 15-20 રૂપિયા પ્રતિ કિલોના હિસાબથી વેચી શકાય છે. જો પ્રતિ હેક્ટર ઉગાડવાનો ખર્ચ 25 હજાર રૂપિયાનો ખર્ચ કાઢી લેવામાં આવે તો 1500 રૂપિયા પ્રતિ ક્વિન્ટલની ભાવે 200 ક્વિન્ટલથી 3 મહિનામાં જ 2 લાખ 75 હજાર રૂપિયાની કમાણી થઈ જાય છે.
પાલકની ખેતી આખુ વર્ષ કરી શકાય છે પરંતુ ફેબ્રુઆરી થી માર્ચ અને નવેમ્બરથી ડિસેમ્બર મહિનામાં તેની ખેતી માટે સારો રહે છે. પાલકની વાવણી એક વખત કરવામાં આવેતો તેની કાપણી 5-6 વખત કરી શકાય.
પાલકને એક વખત કાપ્યા પછી તે અંદાજે 15 દિવસ પછી ફરી કાપવામાં યોગ્ય બની જાય છે. તેનુ વાવેતર આખુ વર્ષ કરી શકાય છે. જ્યા પાણીની સિંચાઈની વ્યવસ્થા સારી હોય તે જગ્યાએ પાલકની ખેતી કરી શકાય છે.