ટિપ્સ / લગ્નમાં જમવા જાઓ તે પહેલાં કરી લેજો આ કામ, નહીં પડો માંદા

• લગ્નમાં પીરસાતું ભોજન ઘણીવાર પાચન બગાડી દે છે
• લગ્નમાં જાઓ ત્યારે ઘરેથી સૂપ કે ડ્રાય ફ્રૂટ્સ ખાઈને જાઓ
• પ્રવાહી વધુ લો અને પેટ ભરીને જમવું નહીં

માનસિકતા બદલો

લગ્નનું આમંત્રણ આવે ત્યારે આપણે એમ વિચારવા લાગીએ છીએ કે અહીં ઘણું બધુ સ્વાદિષ્ટ ભોજન મળશે. તેથી ઘણું બધુ ખાઇ લઇશું. જોયું જ ન હોય તેમ લોકો તૂટી પડે છે. આમ ન કરવું જોઇએ. હેલ્થને ધ્યાનમાં રાખીને સ્વસ્થ ભોજન કરવું જોઇએ. 

ખુબ પાણી પીવો

લગ્નમાં આપણે વધુ જમીએ છીએ અને ઓછું પાણી પીએ છીએ. આ ખોટું છે. પાણીની માત્રા પર ધ્યાન આપવાનું શરૂ કરવું જોઇએ. તેનાથી તમે હાઇડ્રેટેડ રહેશો અને તમારા શરીરમાંથી ઝેરી તત્વો પણ બહાર નીકળી જશે, જે ચરબીવાળા ભોજનના કારણે શરીરમાં જમા થયા હોય. તમે ઇચ્છો તો ડિટોક્સ વોટર પણ પી શકો છો. 

વ્યાયામ પણ છે જરૂરી

વ્યાયામ દ્વારા તમે તમારી વધારાની કેલરી સરળતાથી ઘટાડી શકો છો. તેનાથી સહનશક્તિ પણ વધે છે. ચયાપચય પણ સુધરે છે. તેથી તમારું શરીર પણ યોગ્ય રીતે કામ કરે છે. થોડો સમય વ્યાયામ માટે જરૂર કાઢો. જો એક્સરસાઈઝ માટે સમય ન ફાળવી શકતા હો તો થોડો સમય નાની નાની એક્ટિવિટીઝ માટે જરૂર કાઢો. બજાર જવા માટે ચાલીને જાવ, લિફ્ટના બદલે સીડીઓ ચઢો. લગ્નમાં રાત્રે ખાવાથી બચો

• લગ્નની પાર્ટીમાં ખાલી પેટ ન જાવ
• લગ્નમાં મળતી બધી વસ્તુ ખાવાની જરૂર નથી.
• સ્નેક્સથી જ પેટ ભરાઇ ગયું હોય તો ખાવાનું ન ખાવ
• ખાલી પેટે લગ્નમાં ક્યારેય ન જાવ, ઘરેથી સૂપ અને સુકો મેવો ખાઇને જાવ બહુ ભુખ નહી લાગે
• મેનુમાં જાતે પસંદ કરો કે શું હેલ્ધી છે અને શું અનહેલ્ધી
• ગળ્યુ ખાવાથી બચો. બીજાની પસંદગીનું ન ખાવ