દિવાળી માટે તમે ઘરની સફાઇ તો કેટલાય દિવસો પહેલા જ શરુ કરી દો છો, પરંતુ તમે ક્યારેય કેટલીક વસ્તુઓની સફાઇ પર ધ્યાન નહીં આપ્યુ હોય અથવા ઓછુ આપ્યુ હશે. ઘરની સાફસફાઇ તો જરુરી છે જ,પરંતુ સાથે સાથે કેટલીક એવી કેટલીક વસ્તુઓની સાફસફાઇ પણ જરુરી છે, જેના પ્રત્યેની બેદરકારી તમારા માટે હાનિકારક સાબિત થઇ શકે છે.
ઘરનો મેઇન ગેટ વડીલો કહે છે કે ઘરના મેઇન ગેટને રોજ સાફ કરવો જોઇએ. આમ કરવાથી ઘરમાં પોઝિટિવીટી આવવાની સાથે ઇંફેક્શનનો ખતરો ઓછો રહે છે. ઘરના મેઇન ગેટમાંથી જ જીવાણુઓ ઘરમા પ્રવેશે છે અને આજ ગેટમાંથી આપણે પણ આખો દિવસ અવર જવર કરતા હોઇએ છીએ તેથી આ ગેટની સફાઇ ખુબ જરુરી છે.
ડિશ ટોવેલ
જે કપડાં કે ટોવેલથી તમે ઘરના વાસણ સાફ કરતા હો તેને ડિશ ટોવેલ કહે છે. તે રોજ સાફ કરવો ખુબ જરુરી છે, નહીં તો ગંદા ડિશ ટોવેલના ઉપયોગથી વાસણ સાફ થવાના બદલે વધુ ગંદા થાય છે અને તેમા બેક્ટેરિયા જન્મે છે. બિમારીઓ ફેલાવવાનો ખતરો વધી જાય છે.
કિચન અને બાથરુમનો ફ્લોર
આ બે જગ્યા એવી છે જયાં ગંદકી ફેલાવવાની શક્યતાઓ સૌથી વધુ રહે છે. બાથરુમ અને કિચનના ફ્લોરને, બાથરુમમાં લગાવેલા વોશ બેઝિન અને કિચનમાં લગાવેલી સિંકની રોજ સાફ સફાઇ થવી જોઇએ. તેને એન્ટી બેક્ટેરિયલ લિક્વીડથી સાફ કરવુ જોઇએ.
રિમોટ કન્ટ્રોલ
ભલે ટીવીની રિમોટ હોય કે એસીનું, તેને કેટલાય લોકો ટચ કરતા હોય છે. ઘણીવાર લોકો ખાતા ખાતા પણ તેને અડે છે. આ કારણે તેમા ગંદકી ચિપકી જાય છે અને બેક્ટેરિયાનો ઉપદ્વવ થાય છે. આ કારણે કોઇ પણ રિમોટ, કોમ્પ્યુટરનુ કીબોર્ડ, માઉસ, મોબાઇલ જેવી વસ્તુઓને રોજ સાફ કરવી જરુરી છે.
લેડીઝનું પર્સ, જેન્ટ્સનું વોલેટ
મહિલાઓ પોતાના પર્સમાં કેટલાય પ્રકારનો સામાન રાખે છે. દિવસભર તેને પોતાની સાથે રાખે છે. તેને દરેક જગ્યાએ લઇ જાય છે. આવામાં પર્સમાં ગંદકી થાય છે. બેક્ટેરિયા જન્મે છે. જો આવા ગંદા પર્સને ઘરના સોફા કે બેડ પર મુકવામાં આવે તો ઇંફેક્શનનો ખતરો વધી જાય છે. તેથી તમારા પર્સને નીચેથી અને અંદરથી સારી રીતે સાફ કરો. પુરુષોના વોલેટને ખાલી કરીને ક્યારેક ક્યારેક સાફ કરવુ જરુરી છે, કેમકે તે પણ અનેક જગ્યાએ ફર્યુ હોય છે.