જો મોબાઈલ ખોવાઈ જાય કે ચોરી થઇ જાય તો જરૂરથી કરી લો આ કામ, જેથી તમારી ઇમ્પોર્ટન્ટ ડિટેલ્સ ખોટા હાથોમાં ન આવે.
આજના સમયમાં સ્માર્ટફોન આપણા જીવનનો એક જરૂરી હિસ્સો બની ગયો છે. ફોન વગર થોડી વાર રહેવું પણ મુશ્કેલ થઇ જાય છે. આજકાલ લોકો મોબાઈલમાં ઘણી પર્સનલ વસ્તુઓ તથા ડોક્યુમેન્ટ્સ પણ સ્ટોર કરે છે. આ સાથે જ મોબાઈલ બેંકિંગ તથા બેંક અકાઉન્ટ સાથે જોડાયેલ ડિટેલ્સ પણ મોબાઈલ ફોનમાં જ હોય છે. આવામાં જો તમારો મોબાઈલ ખોવાય ગયો કે ચોરી થઇ ગયો તો તમે મુશ્કેલીમાં પડી શકો છો, કેમકે ચોર સ્માર્ટફોનમાં હાજર બેંક ડિટેલ્સનો ઉપયોગ કરીને તમારી સાથે ફ્રોડ કરી શકે છે. આમે અમે તને અમુક એવી ટીપ્સ જણાવવા જઈ રહ્યા છીએ, જેનો ઉપયોગ કરીને તમે મોબાઈલ ખોવાઈ જવા પર ફ્રોડથી બચી શકશો.
સિમ કાર્ડ તરત જ બ્લોક કરાવો
સ્માર્ટફોન ખોવાઈ ગયા કે ચોરી થઇ ગયા બાદ સૌથી પહેલા પોતાનું સિમ કાર્ડ બ્લોક કરાવવું જોઈએ, જેથી જો ફોન ખોટા હાથોમાં ચાલ્યો ગયો છે તથા તેમાં તમારી બેંક ડિટેલ્સ છે તો સિમ પર ઓટીપી ન પહોંચી શકે. સિમ બ્લોક કર્યા બાદ તમેં નવા સિમમાં તે જ નંબરને ફરી એક્ટીવેટ કરાવી શકો છો. આ કામ ટેલીફોન કંપનીના કસ્ટમર કેરમાં ફોન કરી કરાવી શકો છો.
મોબાઈલ બેંકિંગ બ્લોક કરાવો
સ્માર્ટફોનમાં તમે જો બેંક અકાઉન્ટ એક્સેસ કર્યા છે, તેને લેપટોપ કે કોઈ બીજા ફોનની મદદથી બ્લોક કરી દો, જેથી કોઈપણ તમારા અકાઉન્ટનો ખોટો ઉપયોગ ન કરી શકે. આ માટે તમે ઈચ્છો તો બેંકમાં ફોન કરીને પણ અકાઉન્ટ એક્સેસ બંધ કરાવી શકો છો.
બેંક અકાઉન્ટનો મોબાઈલ નંબર બદલો
બેંક અકાઉન્ટનું એક્સેસ બ્લોક કરાવ્યા બાદ પણ જરૂરી છે કે તમે પોતાના બેંક અકાઉન્ટમાં એડ મોબાઈલ નંબર તરત જ બદલાવો, જેથી ચોરી થવા પર બેંકિંગ સર્વિસ માટે તે નંબર પર મેસેજ નહિ જાય.
મોબાઈલ વોલેટનું એક્સેસ પણ બ્લોક કરો
ફોન ચોરી થવા કે ખોવાઈ જવા પર બેંક અકાઉન્ટની સાથે જ મોબાઈલ વોલેટનું એક્સેસ બ્લોક કરાવવું પણ અત્યંત જરૂરી છે, કેમકે તેનો ઉપયોગ તમે ઘણી જગ્યાઓએ પેમેંટ માટે કરો છો તથા ત્યાં જ તમારી બેંક ડિટેલ્સ સેવ થાય છે.
સીઈઆઈઆર પોર્ટલ દ્વારા કરો ફોન બ્લોક
આ ઉપરાંત તમે સેન્ટ્રલ ઇક્વિપમેન્ટ અઈડેન્ટીટી રજિસ્ટર એટલેકે સીઈઆઈઆર પોર્ટલ દ્વારા ચોરી કે ગુમ થઇ ગયેલ મોબાઈલ બ્લોક કરાવી શકો છો. સાથે જ તેની મદદથી ફોન ટ્રેક પણ થઇ શકે છે.
પોલીસ સ્ટેશનમાં પણ કરો રિપોર્ટ
જો તમારો મોબાઈલ ચોરી થઇ ગયો છે કે ખોવાઈ ગયો છે તો તેની રિપોર્ટ પોતાના નજીકના પોલીસ સ્ટેશનમાં કરાવો, એટલે જો કોઈ તેનો ખોટો ઉપયોગ કરે તો તમને નુકસાન ન થાય.