ઉપાય / ઘરે જ કરી લો એક્સપર્ટે જણાવેલી 5 કસરતો, ફટાફટ ઓછું થશે બેલી ફેટ

આ 5માંથી કોઈ પણ કસરત કરતાં પહેલાં વોર્મઅપ કરવું જરૂરી છે. કાર્ડિયો થોડો સમય કરવું જરૂરી છે. જો તમે રોજ કસરત નથી કરતા તો શક્ય છે કે તે કરવામાં તમને થોડી તકલીફ પડે અને તમારી કોઈ નસ પકડાઈ જાય. 

કસરત 1
હાથ અને કોણી પર શરીરનું વજન રાખો અને પગના ટેરવા પર બાકીનું શરીર મેન્ટેન કરો. બંને હાથને એકસમાન રાખો. બોડીને એકદમ ફ્લેટ રાખો. અને શરીરનું વજન હાથ પર જ આવે તેનું ધ્યાન રાખો. 10 સેકંડથી લઈને 1 મિનિટ સુધી હોલ્ડ કરો.

કસરત 2
પગને ઘૂંટણથી વાળો અને પછી હાથને પાછળ મૂકો,એક પગ ઉપર કરો. બીજો પગ ઉપર કરો. પગને આગળ પાછળ હલાવતા રહો. આ રીતે હાથ પર વજન રાખીને તેને સાઈડમાં પણ પૂશ કરો. હાથ છોડીને તેને સાઈડમાં અદ્ધર રાખો અને પગ હલાવતા રહો.

કસરત 3
પગ સીધા રાખીને બેસો. સાંથળ- ઘૂંટણની નીચેનો ભાગ અને પગની એડી બધું જમીનને અડે તે રીતે રાખો. સાથે જ હવે હાથને પગના પંજા તરફ લઈ જાઓ અને નીચે વળતા રહો. પ્રયાસ કરો કે તમારું માથું ઘૂંટણને અડે. ફરી ઉપર થાઓ. કમરની લાઈનમાં સીધા. આ પ્રક્રિયા વારંવાર કરો. આ પ્રક્રિયા થોડો સમય થાય પછી તમે અપોઝીટ હેન્ડથી પણ કસરત કરી શકો છો. આ કસતના તમે 20 એવા 3-4 સેટ કરી શકો છો. 

કસરત 4
પહેલાં તો સીધા ઊભા રહો. હાથને ઉપર લઈ જાવ. હવે નીચા વળો અને પગ સીધા થાય ત્યાં સુધી હાથની મદદથી ચાલીને આગળ જાવ. પગના પંજાને સ્ટ્રેચ કરો અને શક્ય હોય ત્યાં સુધી આ સ્થિતિમાં રહો. તમારા પગ અને કમરને સીધા રાખો.  ફરી હાથની મદદથી પાછા જાવ અને મૂળ સ્થિતિમાં આવી જાઓ. આ કસરતને તમે 4-5 વાર કરો. 

કસરત 5
હાથને ઊંચા રાખીને જમ્પ કરીને નીચે બેસો, પછી પગ અને હાથ બંનેને પાછળ લઈ જાઓ. કમર પર વજન આવશે. હાથનો ટેકો જમીન પર લીધા વિના બોડી ફોર્સની મદદથી પાછા આવો. ફરી જમ્પ સાથે ઊભા થાઓ. આ કસરત 10 વખત કરો.

આ સંપૂર્ણ કસરતની વિગતો માટે જુઓ આ વીડિયો