ભારતની ટીમે ભુતકાળમાં સારું પ્રદર્શન દેખાડ્યું છે, પરંતુ છેલ્લી બે મેચોમાં ખુબ જ ખરાબ પ્રદર્શન જોવા મળ્યું છે, ત્યારે આજની મેચ દ.આફ્રિકા માટે નિર્ણાયક મેચ બની શકે છે.
ભારતને સતત બે મેચોમાં મળી હાર
ટોસ પર ખેલ બદલાઈ શકે છે
આજના મેચની પીચ બેટિંગ ફ્રેન્ડલી
સતત 2 મેચોમાં હાર
ભારત અને દક્ષિણ આફ્રિકાના T-20 મેચમાં પહેલા જ બે મેચોમાં ભારતને હારનો સામનો કરવો પડ્યો છે, આ પહેલા ભારતના સતત 12 T20 આંતરરાષ્ટ્રીય મેચમાં જીતના રેકોર્ડ પર દક્ષિણ આફ્રિકાએ બ્રેક મારી દીધી છે ત્યારે આ 5 દિવસમાં મેચમાં 2 મેચ તો દક્ષિણ આફ્રિકાએ પોતાના નામે કરી લીધા છે ત્યારે આજની મેચ વિશાખાપટ્ટનમમાં રમાવાની છે ત્યારે ટીમ ઇન્ડિયા માટે આ મેચ કરો અથવા મરો સમાન બની ગઈ છે. હવે આ સિરીઝમાં રહેવા માટે આગામી મેચો જીતવી ફરજિયાતપણે થઇ ચુકી છે. જ્યારે બીજી બાજુ દ.આફ્રિકા વિશાખાપટ્ટનમમાં રમાનારી આ મેચ જીતી સિરીઝ પોતાને નામ કરવા મેદાનમાં ઉતરશે.
ભારત માટે કરો યા મરો મેચ
ભારત અને દક્ષિણ આફ્રિકાની પ્રથમ મેચોમાં બન્ને ટીમોના બેટ્સમેનોએ શાનદાર પ્રદર્શન કર્યું હતું. ત્યારે ભારતે 211 રનનો સ્કોર બનાવ્યો હતો અને તેની સામે દક્ષિણ આફ્રિકાએ રનચેઝ કરીને મુકાબલો પોતાના નામે કરી લીધો હતો.આ રોમાંચક મેચ પછી અનુમાન લગાવાઈ રહ્યું હતું કે ભારતીય ટીમ બીજી મેચ જીતવા માટે પોતાનું બેસ્ટ આપશે. જોકે મેદાન પર એના વિપરિત ભારત ફરીથી ટોસ હારી પહેલા બેટિંગ કરવા આવ્યું.આ મેચ દરમિયાન ખેલાડીઓને બેટિંગ માટે ખોટા ઓર્ડરમાં મોકલીને કઈ ખાસ રન બનાવ્યા ન હતા જેથી ટીમેં ખાલી 149 રનનો ટાર્ગેટ સેટ કરીને આપ્યો હતો. જેની સામે આ સ્કોર દક્ષિણ આફ્રિકાએ આરામથી ચેઝ કરી લીધો હતો
પિચ કેવી રહેશે
વિશાખાપટ્ટનમના સ્ટેડિયમની પિચ બેટિંગ ફ્રેન્ડલી રહેશે. જેમાં હાર્ડ હિટર્સને શરૂઆતની ઓવર્સથી જ લોફ્ટેડ શોટ મારવાની ફ્રિડમ મળી શકે છે. તેવામાં હવે આ સિરીઝ ડિસાઈડર મેચ હશે એટલે વિજેતા કેપ્ટન ટોસ જીતીને પહેલા બોલિંગ પસંદ કરી શકે છે. કારણ કે દક્ષિણ આફ્રિકાએ બંને મેચથી ટોસ જીતી આ નિર્ણય લીધો છે અને મેચ જીતવામાં પણ સફળ રહી છે.