તમારા કામનું / ડુંગળી અને લસણની છાલને હવે ક્યારેય ફેંકતા નહીં, ફાયદા જાણીને ચોંકી ઉઠશો

• ડુંગળી અને લસણની છાલના જાણો ફાયદાઓ
• ખોરાક સાથે બીજા કામમાં પણ થશે ઉપયોગી
• સ્નાયુઓના ખેંચાણમાં મોટી રાહત આપશે છે ડુંગળીનું પાણી

સામાન્ય રીતે લોકો ફળોની છાલના ફાયદા જાણતા હોય છે, પરંતુ શું તમે જાણો છો કે ઘરોમાં દરરોજ ઉપયોગમાં લેવાતી કેટલીક શાકભાજીની છાલ પણ ખૂબ ઉપયોગી થઈ શકે છે? ડુંગળી અને લસણની વાત કરીએ તો લોકો રોજ રસોડામાં તેનો ઉપયોગ કરે છે. સવારથી સાંજ સુધી વિવિધ પ્રકારની ખાણોમાં પણ તેનો અલગ અલગ રીતે ઉપયોગ થાય છે. કેટલાક લોકો સલાડ તરીકે ડુંગળી પણ ખાય છે. ઉનાળામાં ગરમી સામે રક્ષણ આપવા માટે ડુંગળી પણ ઘણી અસરકારક માનવામાં આવે છે. ઘણીવાર લોકો ડુંગળી અને લસણનો ઉપયોગ કરીને તેમની છાલને ડસ્ટબિનમાં નાખી દેતા હોય છે, તો ચાલો જાણીએ તેના ફાયદા વિશે.

ખાતર તરીકે ઉપયોગ
ડુંગળી અને લસણની છાલ ફેંકવાથી બદલે તેનો ઉપયોગ ખાતર તરીકે પણ કરી શકાય છે. તેમના દ્વારા બનાવવામાં આવેલું ખાતર છોડ માટે એકદમ સારું માનવામાં આવે છે. ડુંગળી અને લસણની છાલમાં કેલ્શિયમ, આયર્ન, મેગ્નેશિયમ અને કોપર મોટા પ્રમાણમાં હોય છે.

વાળ માટે ફાયદાકારક
ડુંગળીની છાલથી વાળ એકદમ ચમકદાર થઈ જાય છે. ડુંગળીની છાલને પાણીમાં ઉકાળીને આ પાણીથી માથું ધોવાથી વાળમાં ખૂબ ચમક આવે છે. સાથે જ માથાના વાળને કલર કરવા માટે પણ તેનો ઉપયોગ કરવામાં આવે છે. ડુંગળીની છાલને પાણીમાં એકથી અડધો કલાક ઉકાળી લો. હવે આ પાણીથી માથા પર મસાજ કરો, પછી અડધા કલાક પછી વાળ ધોઈ લો. તે વાળમાં કુદરતી રંગની જેમ કામ કરશે.

ખેંચાણ દૂર કરે છે
ઘણી વખત શરીરના સ્નાયુઓમાં ખેંચાણ થવા લાગે છે. જેના કારણે લોકોને ઘણી સમસ્યાઓ થાય છે. આવી સ્થિતિમાં ડુંગળીની છાલને પાણીમાં 10-15 મિનિટ સુધી ડુબાડી રાખી. રાત્રે સૂતા પહેલા આ પાણી પીવો. આ સ્નાયુઓના ખેંચાણમાં(Muscle Cramps) મોટી રાહત આપશે.

ત્વચામાં ખંજવાળ માટે અસરકારક
ઘણીવાર લોકોની ત્વચામાં એકદમ ખંજવાળ આવે છે. આ માટે તે અનેક પ્રકારની દવાઓનો ઉપયોગ પણ કરે છે. પરંતુ ઘરમાં ડુંગળી અને લસણની છાલાને આ સમસ્યાથી ઘણી હદ સુધી રાહત મળી શકે છે. ડુંગળી અને લસણની છાલને પાણીમાં પલાળીને શરીરની ત્વચા પર લગાવો, જેનાથી ઘણો ફાયદો થશે.