કોઇ પણ પ્રશ્નનો જવાબ ન મળે એટલે ગૂગલ પર સર્ચ કરી લે ને! આવી લાઇન સાંભળવા મળે છે. ત્યારે ધ્યાન રાખો કે આ વસ્તુઓ ક્યારેય ગૂગલ પર સર્ચ ન કરતા.
Goolge પર સર્ચ કરતા રાખો ધ્યાન
તમારી સાથે થઇ શકે છે ફ્રોડ
બેઁકમાંથી પૈસા થઇ શકે છે ગાયબ
કંઇ પણ જાણવા માટે આપણે એક પણ સેકન્ડનો વિચાર કર્યા વગર ગૂગલ પર સર્ચ કરી લઇએ છીએ અને બાદમાં પોતાની જાતને હોંશિયાર માનીએ છીએ પરંતુ કેટલાક સર્ચ તમને મુશ્કેલીમાં મુકી શકે છે.
શું ન કરવુ સર્ચ ?
આપણે હંમેશા ઓનલાઇન બેઁકિંગનો સહારો લેતા હોઇએ છીએ પરંતુ તમારે ક્યારેય બેઁકિંગ માટે ગૂગલ સર્ચ ન કરવું જોઇએ. સાયબર ક્રિમિનલ બેઁકની નકલી વેબસાઇટ બની જાય છે અને આ દેખાવમાં ઓરીજીનલ જેવી જ હોય છે. આ સાઇટની મદદથી તમારો ડેટા ચોરાઇ જાય છે અને તમારા પૈસાની ઉઠાંતરી પણ થઇ શકે છે.
કસ્ટમર કેર
ગૂગલ સર્ચમાં કસ્ટમર કેર નંબર પણ ન શોધવા જોઇએ, સાયબર ક્રિમિનલ અહી પણ તમને ખોટા નંબર આપીને તમારી મહત્વની જાણકારી ચોરી કરી શકે છે. બાદમાં તમને આર્થિક નુકસાન પહોંચી શકે છે.
ઍપ્સ કે સોફ્ટવૅર
મોબાઇલ ઍપ્સ અને સોફ્ટવેર તમારુ જીવન આસાન જ બનાવે છે પરંતુ ઘણી વાર ખોટી ઍપ તમે ડાઉનલોડ કરો છો તો તમારા જીવનમાં મુશ્કેલી આવી શતે છે. તમારા ફોન અને કોમ્પ્યુટર માટે ખતરો વધી શકે છે.
સરકારી સ્કીમ
સરકારી સ્કીમ દ્વારા લોકો છેતરપિંડી કરે છે અને આ જ કારણ છે કે ગૂગલ સર્ચમાં ક્યારેય કોઇ જાણકારી ન લેવી જોઇએ. તમે અધિકારીક વૅબસાઇટ પર જઇને જ સરકારી સ્કીમની જાણકારી લો.
કૂપન કોડ
આજના સમયમાં લોકો ઓનલાઇન શોપિંગ દરમિયાન કેટલાક કૂપન કોડ દ્વારા ડિસ્કાઉન્ટ લે છે અને મફતમાં કૂપન શોધવાના ચક્કરમાં તમે આર્થિક મુશ્કેલીમાં મુકાઇ શકો છો.