સાવધાન / એલ્યુમિનિયમ ફોઇલમાં પેક કરો છો ફૂડ તો ચેતી જજો, થઇ શકે છે આ ભયંકર બીમારીઓ

• એલ્યુમિનિયમ ફોઇલમાં ફૂડ પેક ન કરો
• ગંભીર બીમારીઓને આમંત્રણ આપે છે
• પુરુષો માટે ભયંકર સાબિત થઇ શકે છે ફોઇલ

બેક્ટેરિયાનો ખતરો 
એક્સપર્ટના કહ્યાં અનુસાર, ભોજન ઠંડુ થાય તેના થોડા કલાકો સુધી તો ફોઇલનો ઉપયોગ કરી શકાય છે પરંતુ વધારે સમય તેને ફોઇલમાં ન રાખો કારણકે દરેક ફૂડની એક શેલ્ફ લાઇફ હોય છે. તે બાદ તેમાં બેક્ટેરિયા થવા લાગે છે અને તેની સીધી અસર તમારી હેલ્થ પર પડે છે. 

જ્યારે ગરમ ફૂડને વધારે સમય સુધી રૂમ ટેમ્પ્રેચરમાં રાખવામાં આવે તો 2 કલાકમાં જ તેમાં ઘણા બેક્ટેરિયા એકઠા થઇ જાય છે. એલ્યુમિનિયમ ફોઇલથી આ પ્રકારના બેક્ટેરિયાનો ખતરો વધી જાય છે. 

આ વાતોનું રાખો ખાસ ધ્યાન

• ફૂડને બેક્ટેરિયાથી બચાવવા માટે હંમેશા કોઇ એર ટાઇટ કન્ટેનરમાં જ સ્ટોર કરો
• ફૂડ બન્યા બાદ 2 કલાક થયા પહેલા જ તેને સ્ટોર કરીને રાખી લો
• ડેરી અને મીટ ઉત્પાદનોમાં બેક્ટેરિયા ઝડપથી વધી જાય છે
• ત્રણ કલાકથી વધારે સમય સુધી બહાર રાખેલું ભોજન સારું હોતું નથી

પુરુષોની પ્રજનન ક્ષમતા ઘટી જાય છે
એલ્યુમિનિયમ ફોઇલ પેપરમાં ભોજન પેક કરીને ખાવાથી પુરુષોની પ્રજનન ક્ષમતા ઓછી થઇ જાય છે. તેના કારણે પિતા બનવામાં પણ તકલીફ થાય છે. 

અલ્ઝાઇમર અને ડિમેન્શિયા
કેટલાક લોકો એલ્યુમિનિયમ ફોઇલ પેપરમાં ગરમ ફૂડ પેક કરી દે છે. ફોઇલ પેપરમાં ગરમ ફૂડ પેક કરવાથી તમને અલ્ઝાઇમર અને ડિમેન્શિયા જેવી ગંભીર બીમારી થવાની આશંકા વધી જાય છે. 

કીડનીની બીમારી 
જો તમે રોજ એલ્યુમિનિયમ ફોઇલ પેપરમાં પેક કરીને જમો છો તો તેનાથી શરીરમાં કમજોરી આવવા લાગે છે. સાથે જ કીડનીની બીમારીની સંભાવના પણ વધી જાય છે. 

શ્વાસ લેવામાં તકલીફ
રોજ ફોઇલમાં પેક કરેલું ભોજન ખાવાથી ફેફસા પર પણ ખરાબ અસર થાય છે અને શ્વાસ લેવામાં તકલીફ કે અસ્થમા જેવી બીમારી થઇ શકે છે.