સાવધાન / વાત કરતાં સમયે કૉલ મર્જ ન કરશો, ખાલી થઈ શકે છે બૅન્ક અકાઉન્ટ: સરકારે આપ્યું અલર્ટ

• કેન્દ્રીય ગૃહમંત્રાલયે જાહેર કરી ચેતવણી
• કોલ મર્જ કરવાનું ટાળો
• નહી તો બેંક એકાઉન્ટ ખાલી થઇ જશે

જો તમે અજાણી વ્યક્તિ સાથે ફોન પર વાત કરી રહ્યા હોવ ત્યારે કોલ મર્જ કરવાનુ ટાળજો. કારણ કે જો તમે કોલ મર્જ કરશો તો તમારુ બેંક અકાઉન્ટ ખાલી થઇ જશે. જી હા, કેન્દ્રીય ગૃહ મંત્રાલયે ટ્વિટર હેન્ડલ સાયબર દોસ્ત દ્વારા ઓટીપીને લઇને ચેતાવણી જાહેર કરી છે. મંત્રાલયે કહ્યું કે સાયબર ફ્રોડનો શિકાર થવા પર હેલ્પલાઇન નંબર 155260 પર ફરિયાદ દાખલ કરાવી શકો છે. મોબાઇલ ફોન પર અજાણી વ્યક્તિ સાથે વાત કરતી વખતે કૉલ મર્જ કરશો નહીં. આમ કરવાથી તમારું સોશિયલ મીડિયા એકાઉન્ટ હેક થઈ શકે છે. આ દ્વારા સાયબર ગુનેગારો તમારા બેંક એકાઉન્ટને પણ એક્સેસ કરી શકે છે. સાયબર ફ્રોડના વધતા જતા મામલાઓને જોતા સરકારે ચેતવણી જાહેર કરી છે. એવું કહેવામાં આવ્યું છે કે સાયબર ગુનેગારો લોકોને છેતરવા માટે નવી રીતો અપનાવી રહ્યા છે. તેથી સાવચેત રહેવાની જરૂર છે.

OTP કોઈની સાથે શેર કરશો નહીં

ગૃહ મંત્રાલયે ગુરુવારે પોતાના ટ્વિટર હેન્ડલ 'સાયબર દોસ્ત' દ્વારા OTP (વન ટાઈમ પાસવર્ડ)ને લઈને ચેતવણી પણ જારી કરી છે. ડિજિટલ પેમેન્ટ કરતી વખતે મોબાઈલ નંબર  એક OTP આવે છે. ડિજિટલ પેમેન્ટ કરતી વખતે અથવા બેંકને લગતા કોઈપણ વ્યવહાર કરતી વખતે ઓટીપી જનરેટ કરવામાં આવે છે. ઓટીપીની એન્ટ્રી કર્યા બાદ જ વ્યવહાર પૂર્ણ ગણાય છે. આવી સ્થિતિમાં તમારો OTP નંબર કોઈની સાથે શેર ન કરવો. આ સિવાય મોટાભાગના લોકો ફોન અને મેસેજ દ્વારા OTP પણ શેર કરે છે. આવું ન કરવાથી બચો નહીંતર તમે સાયબર છેતરપિંડીનો ભોગ બની શકો છો.

પબ્લિક વાઇફાઇ પર ડિજિટલ ટ્રાન્સેક્શન ન કરો

મેટ્રો, રેલ્વે સ્ટેશન, પાર્ક સહિત આવી ઘણી જગ્યાએ ફ્રી વાઈફાઈની સુવિધા હોય છે. ઘણીવાર લોકો ઇન્ટરનેટ અને ફ્રી વાઇફાઇ બચાવવા માટે પબ્લિક વાઇફાઇ દ્વારા ઓનલાઈન ટ્રાન્ઝેક્શન કરે છે. આ ફ્રી વાઈફાઈ દ્વારા પણ છેતરપિંડી પણ થઈ શકે છે. આ સ્થિતિમાં, જો તમે ઓનલાઈન ટ્રાન્ઝેક્શન કરો છો, તો બેંક સંબંધિત તમારી અંગત માહિતી તેમની પાસે જાય છે. જેથી તમારુ બેંક અકાઉન્ટ ખાલી જવાના ચાન્સ વધી જાય છે.