ચહેરા પર સ્ટીમ લેતી વખતે કેટલીક ભૂલો ત્વચાને નુકસાન પહોંચાડે છે. જેના કારણે ત્વચા શુષ્ક થઈ જાય છે જેનાથી કરચલીઓની સમસ્યા થઈ શકે છે.
ફેસ સ્ટીમ લેતા પહેલા ધ્યાન રાખો
કેટલીક ભૂલ તમારો ચહેરો બગાડી શકે
સ્ટિમ લેવાની પદ્ધતિ સાચી હોવી જોઇએ
જો સ્ટીમ લેવાની પદ્ધતિ યોગ્ય નથી, તો તે ખીલની સમસ્યાનું કારણ બની શકે છે. તેનાથી ત્વચાની ઘણી સમસ્યાઓ વધી જાય છે.
ચેહરો ધોઈ લો
ચહેરા પર સ્ટીમ લેતા પહેલા ચહેરાને સારી રીતે ધોઈ લેવો જરૂરી છે. જો ચહેરો સાફ ન હોય તો રોમછિદ્રો ખુલ્લા હોય ત્યારે ગંદકી બહાર નીકળી શકતી નથી અને તેના કારણે ખીલની સમસ્યા થઈ શકે છે.
ખૂબ નજીક વરાળ ન લો
વરાળ ખૂબ નજીકથી લેવાથી ત્વચાને નુકસાન થાય છે. તેનાથી ત્વચા બળી શકે છે. સ્ટીમ લેતી વખતે ચહેરાને પાણીની ખૂબ નજીક ન લો.
એક સાથે વધુ ઇન્ગ્રેડિયેન્ટ્સ ન નાંખો
પાણીમાં એક સાથે અનેક પ્રકારની સામગ્રી નાખીને વરાળ ન લો. સાથે જ એ પણ ધ્યાનમાં રાખો કે સ્ટીમ લેવા માટે એલ્યુમિનિયમ નહીં પણ સ્ટીલનું વાસણ પસંદ કરો. સ્ટીમરમાં ઘટકો ઉમેરવાથી સ્ટીમરને નુકસાન થઈ શકે છે.
સ્ટીમર સાફ ન કરવું
સ્ટીમરની નિયમિત સફાઈ કરવી પણ જરૂરી છે. ગંદા પાણીમાંથી વરાળ લેવાથી ત્વચાની સમસ્યા થઈ શકે છે.
મોઇશ્ચરાઇઝરનો ઉપયોગ કરો
સ્ટીમ લીધા પછી ચહેરાને મોઇશ્ચરાઇઝ ન કરવાથી ત્વચા શુષ્ક થઇ શકે છે. જેના કારણે ત્વચાને હાઇડ્રેશન મળતું નથી. ત્વચા ભેજ ગુમાવે છે અને ચહેરા પર કરચલીઓની સમસ્યા થઈ શકે છે. સ્ટીમ લીધા પછી, ચહેરાને સારી રીતે સુકાવો અને મોઇશ્ચરાઇઝર લગાવો.