ઘણા લોકોને લાગે છે કે લોંગ ડિસ્ટેંસ રિલેશનશિપ વધારે સમય સુધી ટકી શકતી નથી અને નાની નાની વાતોના કારણે તેઓનો સંબંધ તૂટી જાય છે.
કોઇપણ સંબંધ વિશ્વાસ પર ટકેલો હોય છે
પાર્ટનર સાથે વફાદારી રાખો
એકબીજા સાથે મનની વાત શેર કરો
અત્યારના સમયમાં એક કપલ માટે લોંગ ડિસ્ટેંસ રિલેશનશિપને યોગ્ય રીતે ચલાવવી તે એક પડકાર જેવુ છે. ઘણા બધા લોકોને લાગે છે કે લોંગ ડિસ્ટેંસ રિલેશનશિપ વધારે સમય સુધી ટકી શકતી નથી અને નાની નાની વાતોના કારણે તેઓનો સંબંધ તૂટી જાય છે. પરંતુ જો તમે અને તમારા પાર્ટનર સ્થિર અને વિશ્વાસપૂર્ણ હોય તો આ રિલેશનશીપને સફળ બનાવી શકાય છે. અમુક ભૂલોથી બચીને લોંગ ડિસ્ટેંસ રિલેશનશિપને સંભાળવી સરળ બને છે. તો આજે એવા દૂરી સાથે ચાલી રહેલા સંબંધમાં કેવી પ્રકારની ભૂલો ના કરવી જોઇએ તેના વિશે જાણીએ.
જૂઠ્ઠુ ન બોલો
કોઇ પણ સંબંધનો મુખ્ય આધાર વિશ્વાસ હોય છે. જુઠ્ઠુ બોલવુ કે કોઇ વાત છુપાવવી પાર્ટનર પરના તમારા વિશ્વાસને ઘટાડે છે. જે સમય જતા સંબંધ તૂટવાનું કારણ બને છે. તેથી પાર્ટનર સાથે ક્યારેય જુઠ્ઠુ ના બોલો.
આશા ન રાખો
તમારા સંબંધ પાસે બંને શું ઇચ્છો છો, તમારે એકબીજા પ્રત્યેની અપેક્ષાઓ નક્કી કરો. જેથી એક બીજાના મનમાં કોઇ ખોટી આશા ના બંધાય અને જ્યારે તે આશા પૂર્ણ ન થાય તે એક વ્યક્તિ દુઃખી પણ ના થાય. તેથી પોતાની આશા ઇચ્છાની અભિવ્યક્તિ કરો.
વધારે વાતચીત ન કરવી
કોઇપણ સંબંધમાં વાતચીત મહત્વપૂર્ણ છે, પરંતુ લોંગ ડિસ્ટેંસમાં વધારે વાતો કરવી શક્ય નથી, પરંતુ તમે તમારા પાર્ટનર સાથે મળીને ચોક્કસ સમય નક્કી કરો. એક બીજા સાથે પોતાના મનની વાતો શેર કરો.
વધારે પડતી શંકા
સમય-સમય પર સામાન્ય શંકા કે ઇર્ષા થવી સ્વાભાવિક છે. પરંતુ વધારે પડતી શંકા કે ઇર્ષા કરવાથી લોંગ ડિસ્ટેંસ રિલેશનશિપમાં મોટી સમસ્યા ઉભી કરી શકે છે. તેથી પોતાના પાર્ટનર પર વિશ્વાસ રાખો, બંને મળીને પોતાના સંબંધને વિશ્વાસથી એટલો મજબૂત બનાવો કે કોઇ અન્ય વાત તમારા સંબંધ પર ભારે ના પડી શકે.
એક-બીજા માટે સમય ના કાઢવો
જ્યારે તમે લોંગ ડિસ્ટેંસ રિલેશનશિપમાં હોય ત્યારે જીવનમાં રોજબરોજના કાર્યમાં વધુ વ્યસ્ત થઇ જવાય છે, પરંતુ તે સાથે જ તમારે તમારા પાર્ટનર માટે સમય કાઢવો જરુરી છે. નિયમિત રીતે મળવાનો પ્લાન બનાવો, જો મળી શકાય તેમ ન હોય તો વીડિયો કોલ કે ફોન પર ચોક્કસ સમય કાઢીને એકબીજા સાથે ક્વોલિટી ટાઇમ વિતાવો.