મોટર વ્હીકલ એક્ટમાં અમુક નવા નિયમો જોડવામાં આવ્યા છે. જેનું પાલન ન કરવા પર તમારૂ લાયસન્સ પણ રદ્દ થઈ શકે છે.
વાહન ચલાવતી વખતે ખાસ ધ્યાન રાખો આ વસ્તુઓ
આ નિયમોનું પાલન કરવું ખૂબ જરૂરી
નહીં તો જપ્ત થઈ શકે છે લાયસન્સ
દેશના મોટર વ્હીકલ એક્ટમાં સમય-સમય પર નવા નિયમ આવતા જાય છે. તેની સાથે જરૂર વગરના અમુક જુના નિયમો પણ ખતમ કરવામાં આવે છે. પાછલા અમુક સમયમાં મોટર વ્હીકલ એક્ટમાં અમુક નવા નિયમો જોડવામાં આવ્યા છે. જેનું પાલન ન કરવા પર તમારૂ લાયસન્સ પણ રદ્દ થઈ શકે છે.
લાઉડ મ્યુઝિક
ગાડીમાં વધુ તેજ મ્યુઝિક વગાડવા પર તમારા પર દંડ લાગી શકે છે. જોકે મ્યૂઝિકના વોલ્યુમ લેવલને લઈને સ્થિતિ સ્પષ્ટ નથી. પરંતુ ટ્રાફિક પોલીસ તેમના નિયમો અનુસાર દંડ ફટકારે છે. ઓછામાં ઓછા ચલાણની રકમ 100 રૂપિયા છે પરંતુ ટ્રાફિક પોલીસને જો લાગે કે લાઉડ મ્યુઝિક રસ્તા પરથી પસાર થઈ રહેલા બીજા લોકો માટે ખતરો છે તો તે આ રકમને વધારી પણ શકે છે. ડ્રાઈવરનું લાયસન્સ પણ જપ્ત થઈ શકે છે.
સ્પીડ લિમિટ
સ્કૂલના આસપાસના વિસ્તારોના રસ્તાઓ પર તેજ રફ્તારમાં ડ્રાઈવિંગની પરવાનગી નથી. સામાન્ય રીતે આવી જગ્યાઓ પર સ્પીડ લિમિટનું બોર્ડ લગાવવામાં આવે છે. જો બોર્ડ ન લગાવવામાં આવ્યું હોય તો પણ આવા રસ્તાઓ પર 25 કિમી પ્રતિ કલાકથી વધુરે ઝડપે ડ્રાઈવિંગ ન કરવું જોઈએ. આમ કરવાથી દંડ અથવા લાયસન્સ જપ્ત થઈ શકે છે.
નેવિગેશન ઉપરાંત ફોનનો ઉપયોગ
આ નિયમ વિશે મોટાભાગના લોકો જાણતા હશે. ડ્રાઈવિંગ વખતે ફોનનો ઉપયોગ કરવા પર તમારા ઉપર દંડ લાગી શકે છે. કાયદા અનુસાર ડ્રાઈવિંગ નેવિગેશન સર્વિસને છોડીને કોઈ બીજા કામ માટે મોબાઈલનો ઉપયોગ ન કરવો જોઈએ.
બ્લૂટૂથના માધ્યમથી ફોન પર વાતચીત
હવે લગભગ દરેક કાર કંપનીઓ પોતાની કારમાં આ સુવિધા આપે છે. પરંતુ ડ્રાઈવિંગ વખતે બ્લૂટૂથના માધ્યમથી પણ ફોન પર વાત કરવી ગુનો છે. ડ્રાઈવિંગ વખતે બ્લૂટૂથના માધ્યમથી ફોન પર વાત કરવાથી દંડ અથવા લાયસન્સ જપ્ત થઈ શકે છે.