હાઈ કોલેસ્ટ્રોલના ઘણા લક્ષણો શરીરમાં જોવા મળતા નથી. પણ તેના લીધે ઘણીવાર મેદસ્વીપણાનું કારણ બની શકે છે. સાથે જ કોલેસ્ટ્રોલ વધવા પર પગમાં આ લક્ષણો જોવા મળે છે.
કોલેસ્ટ્રોલનું ઊંચું પ્રમાણ સ્ટ્રોકનું જોખમ વધારે છે
પગમાં થાક કે ખેચાણ અનુભવાય તો તરત ડોક્ટરને બતાવો
આહારમાં સેચ્યુરેટેડ ફેટ પર કાપ મૂકો
આપણા શરીરમાં ચરબીના રૂપમાં જ્યારે કોલેસ્ટ્રોલ જમા થવા લાગે છે ત્યારે તેને હાઈ કોલેસ્ટ્રોલ કહે છે. આપણને હેલ્ધી સેલ્સના નિર્માણમાં કોલેસ્ટ્રોલની જરૂર પડે છે, જો શરીરમાં કોલેસ્ટ્રોલનું લેવલ વધી જાય તો તમારામાં હૃદયરોગનો ખતરો પણ ઝડપથી વધી જાય છે. કોલેસ્ટ્રોલનું ઊંચું પ્રમાણ કોરોનરી આર્ટરી ડિસીઝ, કાર્ડિયોવાસ્ક્યુલર ડિસીઝ અથવા સ્ટ્રોકનું જોખમ વધારે છે. હાઈ કોલેસ્ટ્રોલના આમ તો કોઈ લક્ષણો નથી, પરંતુ તેમ છતાં પગ અને હાથમાં કેટલાક ફેરફાર કોલેસ્ટ્રોલ વધવાના પ્રારંભિક સંકેતો માનવામાં આવે છે. તેને તમે બિલકુલ અવગણશો નહીં.
સંકેતો જોવા મળી શકે છે
રીપોર્ટ મુજબ વધુ વજનને સામાન્ય રીતે ઉચ્ચ કોલેસ્ટ્રોલના સંકેત તરીકે ઓળખવામાં આવે છે. જો કે, ચેતવણીના કેટલાક ચિહ્નો તમારા શરીરના અન્ય ભાગોમાં પણ દેખાઈ શકે છે, જ્યારે તમારા પગની ધમનીઓ બંધ થઈ જાય છે, ત્યારે પૂરતા પ્રમાણમાં ઓક્સિજનયુક્ત લોહી તમારી પીઠના નીચેના ભાગ સુધી પહોંચતું નથી. આ તમારા પગને ભારે અને થાક લાગે તેવું મહેસુસ થાય છે.
પગમાં જોવા મળે છે આ લક્ષણો
કોલેસ્ટ્રોલ વધારે હોય ત્યારે પગ, જાંઘ અને સાથળમાં ખેંચાણ અનુભવાય છે. પરંતુ ઘણી વખત આરામ કર્યા પછી પણ આ ખેંચાણ ઓછું થતું નથી. આમાં પગ, પગના પંજા, પગમાં ઘાવમાં નબળાઈ સામેલ છે. કોલેસ્ટ્રોલમાં પગનો ઘા ધીમેધીમે કે બિલકુલ રૂઝાતો નથી. સાથે જ જ્યારે હાઈ કોલેસ્ટ્રોલ વધે છે ત્યારે ત્વચાનો રંગ પીળો કે વાદળી થઇ શકે છે.
ડોક્ટરની મુલાકાત લો
જો તમને તમારા શરીરમાં આમાંથી કોઈ પણ લક્ષણો લાગે છે, તો તમારે તરત જ ડોક્ટરને મળવું જોઈએ. કોલેસ્ટ્રોલનું ઊંચું જોખમ ધરાવતા લોકોએ લાલ માંસ, બ્રાઉન રાઇસ, બ્રાઉન બ્રેડ, બ્રાઉન પાસ્તા, બદામ, બીજ, ફળો અને શાકભાજી વગેરે ખાવા જોઈએ. તમારા આહારમાં સેચ્યુરેટેડ ફેટ પર કાપ મૂકો અને અનસેચ્યુરેટેડ ફેટનું સેવન વધુ કરો. આ માટે ઓલિવ, સનફ્લાવર, અખરોટ અને બીજના તેલનો ઉપયોગ કરવો જોઈએ.