હેલ્થ / શિયાળામાં હંમેશા ઠંડા જ રહે છે તમારા હાથ-પગ? લક્ષણોની ન કરો અવગણના, આ ગંભીર બીમારીઓના છે સંકેત

• શિયાળામાં તમને આ મુશ્કેલીઓ થાય છે? 
• હાથ પગ રહે છે ઠંડા?
• હોઈ શકે છે ગંભીર બીમારીઓ 

શિયાળામાં કમેસમી વરસાદમાં હાથ-પગ અને નાક જેવા ખિલ્લા ભાગોનું ઠંડુ થઈ જવું સામાન્ય વાત છે. ઘણી વખત ગ્લબ્સ પહેર્યા બાદ પણ હાથ-પગ ઠંડા થઈ જાય છે. તેની પાછળનું કારણ વ્યક્તિનું શરીર, ઈમ્યુનિટી, ભોજન વગેરે હોઈ શકે છે. જો ઘણી બધા ગરમ કપડાં પહેર્યા છે તેમ છતાં પણ શિયાળાના દિવસોમાં તમારા હાથ-પગ સતત ઠંડા રહે છે તો તેની અવગણના ન કરો. કારણ કે તે ઘણી બીમારીઓના સંક્ત હોઈ શકે છે.   

હોઈ શકે છે આ બીમારીઓની વોર્નિંગ સાઈન 
ડાયાબિટીસના અમુક લક્ષણો વિશે દરેક લોકો જાણે છે. જેવા કે વારંવાર પેશાબ માટે જવું પડે, ઘાવ ને રૂજ ન આવવી, ચશ્માના નંબર વારંવાર બદલાવવા વગેરે. પરંતુ ખૂબ ઓછા લોકો એ વાત જાણતા હશે કે પગનું સતત ઠંડુ રહેવું પણ ડાયાબિટીસ હોવાના સંકેત હોઈ શકે છે. 

હાઈપોથાઈરોઈડિઝ્મ 
જ્યારે શરીર પર્યાપ્ત માત્રામાં હોર્મોન્સ નથી બનાવી શકતું તો તેને હાઈપોથાઈરોઈડિઝમ્સ કહે છે. આ બીમારી શરીર પર ઘણા પ્રકારની અસર કરે છે અને તેમાંથી એક પગનું હંમેશા ઠંડુ રહેવું પણ છે. આમ થવા પર ટેસ્ટ કરાવી લેવો સારો છે.      

રેનોડ ફેનોમેનન 
આ એક પ્રકારના સિન્ડ્રોમ છે. તેમાં હાથ-પગની આંગળીઓના રંગ લીલા અથવા પીળા પડી જાય છે. બાદમાં ગંભીરતા વધવા પર આ લાલ થઈ જાય છે. તેની સાથે જ તાપમાનમાં થોડો ઘટાડો થવા પર હાથ-પગ ઠંડા થઈ જાય છે. 

તણાવ 
તણાવ ફક્ત આપણા મનને પ્રભાવિત નથી કરતુ. પરંતુ તે પોતાની સાથે ઢગલો બીમારીઓ લાવે છે. તેના કારણે બ્લડ સર્કુલેશન પર નકારાત્મક અસર પડે છે. જે લોકો ખૂબ વધારે તણાવમાં હોય છે ઘણી વખત તેમને હાથ-પગની આંગળીઓ ઠંડી પડવા લાગે છે. 

હાઈ કોલેસ્ટ્રોલ 
હાઈ કોલેસ્ટ્રોલ સ્ટ્રોક અને હાર્ટ એટેકનું કારણ તો બને જ છે આ ઉપરાંત આપણા શરીરમાં બ્લડ સર્કુલેશન પર ખૂબ ખરાબ અસર કરે છે. આ કારણે વ્યક્તિના હાથ-પગ મોટાભાગે ઠંડા થઈ જાય છે. આવી સમસ્યા થવા પર તરત નિષ્ણાંતોનો સંપર્ક કરો.