જો તમે ચેક દ્વારા પેમેન્ટ કરો છો તો તમારે પહેલાં કરતા વધુ સાવધાન રહેવાની જરૂર છે. ભારતીય રિઝર્વ બેંકે બેન્કિંગ નિયમમાં કેટલાક ફેરફાર કર્યા છે. ચાલો જાણીએ.
કોઈને ચેક આપતી વખતે ન કરતા આ ભૂલ
આરબીઆઈના આ નવા નિયમ વિશે જાણી લો
ભારતીય રિઝર્વ બેંકે બેન્કિંગ નિયમમાં કેટલાક ફેરફાર કર્યા
કેન્દ્રીય બેંકે હવે 24 કલાક બલ્ક ક્લિયરિંગની સુવિધા ઉપલબ્ધ કરાવવાનો નિર્ણય લીધો છે, જેની સીધી અસર ચેક પેમેન્ટ કરવાની રીત પર પડશે. એટલે કે હવે ચેકને ક્લિઅર થતાં બે દિવસનો સમય નહીં લાગે. હવે ચેક નાખતા જ તાત્કાલિક તેની અમાઉન્ટ ક્લિઅર થઈ જશે. આથી કોઈને ચેક આપતી વખતે તમારે થોડી સાવધાની રાખવી પડશે. આ ઉપરાંત ચેક જારી કરતાં પહેલાં એ પણ ચેક કરવું પડશે કે તમારા ખાતામાં પૈસા છે કે નહીં.
સાતેય દિવસ ક્લિઅર થશે ચેક
હવે NACH (National Automated Clearing House) સાતેય દિવસ ઉપલબ્ધ હશે. જેથી તમારે ચેકના માધ્યમથી પેમેન્ટ કરવા માટે વધારે સાવધાની રાખવી પડશે. હવે આ નોન-વર્કિંગ દિવસ એટલે કે રજાના દિવસે અને જાહેર રજાના દિવસે પણ કામ કરશે. જેથી ચેક આપતા પહેલાં ચેક કરી લેવું કે તમારા ખાતમાં પૂરતા પૈસા છે કે નહીં. ચેક બાઉન્સ થવા પર તમારા ખાતામાંથી પેનલ્ટી ભરવી પડશે.
શું છે NACH
નેશનલ પેમેન્ટ કોર્પોરેશન ઓફ ઇન્ડિયા (NPCI) દ્વારા સંચાલિત NACHના માધ્યમથી બલ્ક પેમેન્ટનું કામ કરવામાં આવે છે. જે એક સમયે અનેક ક્રેડિટ ટ્રાન્સફરની સુવિધા આપે છે. આ ઉપરાંત બલ્ક પેમેન્ટ જેમ કે પગાર, વ્યાજ, ડિવિડન્ટ વગેરેની ચુકવણી થાય છે. તે ઇલેક્ટ્રિસિટી, ગેસ, ટેલિફોન, વોટર, લોનનો હપ્તો, રોકાણ, ઇન્શ્યોરન્સ પ્રીમિયમ વગેરેની ચૂકવણીનું કામ પણ કરે છે.
હાઈ વેલ્યૂ ચેક માટે આ હશે નિયમ
RBI તરફથી જાન્યુઆરીમાં પોઝિટિવ પે સિસ્ટમ લાગૂ કરવામાં આવી હતી. જેથી ચેક આધારિક પેમેન્ટ સિસ્ટમના વધારે સુરક્ષિત બનાવી શકાય. પોઝિટિવ પે સિસ્ટમમાં 50 હજારથી વધુની ચૂકવણી વખતે વિગતોને ફરીથી તપાસમાં આવે છે.
ફરી ચેક થશે તમામ ડિટેલ્સ
આ પ્રક્રિયા હેઠળ ચેક રજૂ કરનાર ઇલેક્ટ્રોનિક રીતે ક્લિઅરિંગ માટે રજૂ કરવામાં આવેલા ચેકની જાણકારી આપે છે. જેમ કે ચેક નંબર, ચેકની તારીખ, પેમેન્ટ કરનારનું નામ, એકાઉન્ટ નંબર, કિંમત અને વિવિરણ વગેરે.