કામની ટિપ્સ / Workplace પર ન કરતા આવી ભૂલ, નહીં તો પ્રમોશન પર થઇ શકે છે તેની સાઇડ ઇફેક્ટ!

• કામના કારણે કર્મચારીઓ અલગ ઓળખ ઊભી કરે છે. 
• કામની સાથે સાથે વર્તન પણ યોગ્ય હોવું જોઈએ. 
• ખરાબ આદતને કારણે ઓફિસમાં પ્રમોશન થઈ શકતું નથી. 

 
ઓફિસમાં કામ ખૂબ જ જરૂરી છે, કામના કારણે કર્મચારીઓ પોતાની એક અલગ ઓળખ ઊભી કરે છે. જેના કારણે આપણે કરિઅરમાં આગળ વધી શકીએ છીએ. ઓફિસમાં કામની સાથે સાથે આપણું વર્તન પણ યોગ્ય હોય તે જરૂરી છે. આપણી કેટલીક આદતોના કારણે આપણે આગળ વધીએ છીએ. બીજી તરફ જોવા જઈએ તો આપણી કેટલીક આદતો એવી હોય છે, જેના કારણે આપણે તરક્કી થઈ શકતી નથી. આજે અમે તમને તેવી આદતો વિશે જણાવી રહ્યા છીએ જેના કારણે તમારા પ્રમોશન પર અસર થઈ શકે છે.

પહેલ ના કરવી

નિષ્ણાંતો જણાવી રહ્યા છે કે, ઓફિસમાં જો તમે કોઈ નવો આઈડિયા રજૂ ના કરો અથવા કોઈ નવા કાર્ય વિશે પહેલા ના કરો તો તેના કારણે તમારા પ્રમોશન પર ખરાબ અસર થઈ શકે છે.

વિચાર રજૂ ના કરવો

અનેક લોકો મીટિંગમાં હંમેશા ચૂપ રહેતા હોય છે. ચૂપ રહેવાને કારણે તમારા પ્રમોશન અને ઇન્ક્રીમેન્ટ પર અસર થઈ શકે છે. જો તમે પણ આ પ્રકારે કરી રહ્યા છો, તો તમારે તમારી આ આદત સુધારી લેવી જોઈએ.

ઓફિસમાં દરરોજ મોડા પહોંચવું

આસપાસ અનેક લોકો એવા હોય છે જેઓ ઓફિસમાં હંમેશા મોડા પહોંચે છે. ટાઇમ મેનેજ ના થવાને કારણે તેમની મોડા પહોંચવાની આદતના કારણે પ્રમોશન પર ખરાબ અસર થઈ શકે છે.

ફરિયાદ કરવી

ઓફિસમાં અનેક લોકો નાની નાની બાબતોની લઈને ફરિયાદ કરતા રહે છે. જો તમે પણ આ પ્રકારે કરો છો, તો આ આદત સુધારી લેવી જોઈએ. વારંવાર ફરિયાદ કરવાથી તમારી છબી ખરડાઈ શકે છે, જેના કારણે તમારા ઇન્ક્રીમેન્ટ પર ખરાબ અસર થઈ શકે છે.

મદદ માટે ના પાડવી

ઓફિસમાં અનેક લોકો મદદ કરવાની તરત જ ના પાડી દે છે. જો તમે પણ આ પ્રકારે કરી રહ્યા છો, તો તમારા પ્રમોશન પર ખરાબ અસર થઈ શકે છે. તમારા સાથીઓની મદદ ના કરવાને કારણે તમને એક ટીમ પ્લેયર તરીકે જોવામાં આવતા નથી. જેના કારણે તમને નુકસાન થઈ શકે છે.

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.