ઓનલાઈન સ્કેમ્સના કેસ ઝડપથી વધી રહ્યા છે. વેબસાઇટ્સ અને એપ્લિકેશન્સ દ્વારા થતાં આ ફ્રોડમાં યુઝર્સના ડેટાને ચોરી કરીને તેમના બેંક ખાતામાંથી પૈસા ચોરાઇ જાય છે. આ ફ્રોડ્સ માટે મોટાભાગે વાયરસનો ઉપયોગ કરવામાં આવે છે. આવો જ એક સ્કેમ આજકાલ ખૂબ જ ચર્ચામાં છે. જેમાં યુઝર્સને વોટ્સએપ દ્વારા શિકાર બનાવવામાં આવી રહ્યાં છે. નવા વર્ષે એક્ટિવ થયેલાં આ વોટ્સએપ સ્કેમમાં 'New Year's Virus'થી એેટેક કરવામાં આવી રહ્યો છે.
વોટ્સએપ યુઝર્સ ચેતજો
હેકર્સ લાવ્યા છે નવો કીમિયો
New Year's Virusથી કરી રહ્યા છે એટેક
સ્માર્ટફોન અથવા કમ્પ્યૂટર હેક થવાનો ખતરો
આ સ્કેમમાં યુઝર્સના વોટ્સએપ પર એક મેસેજ આવે છે. જેમાં કોઈ વેબપેજની લિંક આપેલી હોય છે. હેકર્સ આકર્ષક ઓફર આપીને આ લિંક ઓપન કરવા યુઝરને ઉશ્કેરે છે. લિંક પર ક્લિક કરતાં જ સ્માર્ટફોન અથવા કમ્પ્યૂટર હેક થવાનો ખતરો ઘણો જ વધી જાય છે. એટલું જ નહીં વાયરસવાળા આ મેસેજ અનેક એડવર્ટાઈઝ સાથે આવે છે. જેમાં યુઝર્સને પર્સનલ ડેટા આપવા અને બનાવટી સર્વિસમાં સબસ્ક્રાઈબ કરવા માટે કહેવામાં આવે છે. સામાન્ય રીતે આ મેસેજ ગ્રીટિંગવાળા હોય છે. તેને વાંચવા માટે મેસેજમાં આપેલી લિંક પર ક્લિક કરવું જરૂરી છે.
ભૂલથી પણ આવા મેસેજ પર ક્લિક ન કરવું
આ એક ખતરનાક સ્કેમ છે. જેમાં વોટ્સએપ દ્વારા યુઝર્સને નુકસાન પહોંચાડવામાં આવી રહ્યું છે. વોટ્સએપ દુનિયાની સૌથી પોપ્યુલર મેસેજિંગ એપ છે અને આ જ કારણથી તેમાં ફ્રોડ થવાનો ખતરો પણ વધી જાય છે. આવા સ્કેમથી બચવાનો સૌથી સરળ રસ્તો એ છે કે આવા મેસેજિસ અને લિંક પર ક્લિક કરવું નહીં અને આવા મેસેજ મોકલનારને બ્લોક કરી દેવું.
વોટ્સએપ લાવી રહ્યું છે ડિલીટ મેસેજ ફિચર
ઉલ્લેખનીય છે કે, વોટ્સએપ આજકાલ એક ખાસ ફિચર પર કામ કરી રહ્યું છે. જેની મદદથી ગ્રુપ મેસેજિસને સેટ કરાયેલા ટાઈમ પર ઓટોમેટિકલી ડિલિટ કરી શકાશે. આની ફિચરની મદદથી ડિવાઈસમાં સ્પેસ મેન્ટેન રહેશે. આ ફિચરને ક્લીનિંગ ટૂલ તરીકે પણ પ્રમોટ કરવામાં આવી રહ્યું છે. આ ફિચરનો સ્ટેબલ વર્ઝન રોલઆઉટ થયા બાદ ગ્રુપમાં હજારો મેસેજિસને રાખવાની જરૂર નહીં પડે. આ ફિચરનો ઉપયોગ ગ્રુપ એડમિન જ કરી શકશે.