સહમતિથી થયેલા સંબંધને પણ માફી નહીં: ગુજરાત હાઈકોર્ટ

ગુજરાત હાઈકોર્ટે પોક્સો એક્ટ મુદ્દે મહત્વનો ચુકાદો આપ્યો છે. ગુજરાત હાઈકોર્ટે તરૂણ અવસ્થામાં શારીરિક સંબંધ બાંધનાર આરોપી વિરુદ્ધ 10 વર્ષની કેદ ફટકારવાનો આદેશ આપ્યો છે.

નાની ઉંમરે સહમતિથી શારીરિક સંબંધ બાંધવામાં આવે તો પણ માફી નહીં મળે. આ મામલે હાઈકોર્ટે કહ્યું કે તરૂણની એક ભૂલ તેના જીવનનો મહત્વપૂર્ણ સમય સમાપ્ત કરી દે છે.જેથી કેદ્ર અને રાજ્ય સરકારે આ કાયદા અંગે જાગૃતિ લાવવી પડશે.

આ મામલે હાઈકોર્ટે સરકારને શાળા અને કોલેજોમાં જાગૃતિ માટે અભિયાન ચલાવવા પણ આદેશ કર્યો છે. તરુણ વયમાં શારીરિક સંબંધ બાંધનારને આરોપી માની 10 વર્ષ જેલની સજા કરવામાં આવશે.