ઉનાળામાં પાચનમાં સારુ અને શરીરને હાઇડ્રેટ કરનાર એક પીણું એટલે લીંબુ શરબત. પરંતુ વજન ઘટાડવા માટે લીંબુ લાભદાયી ખરા ?
લીંબુના છે અનેક ફાયદા
શું લીંબુથી વજનમાં થાય ઘટાડો ?
ક્યારે પીવુ જોઇએ લીંબુ પાણી ?
ઉનાળાની કાળઝાળ ગરમીમાં જો કોઇ રાહત આપનારુ પીણુ હોય તો તે છે લીંબુ પાણી. લીંબુથી શરીરમાં સ્ટેમિના રહે અને ગરમીમાં પણ શરીરમાં પાણી જળવાઇ રહે છે. લીંબુ સિકંજી અને લીંબુ શરબત રોડ પર પણ વેચાતા આપણે જોઇએ છીએ. જો કે ઉનાળામાં જ લીંબુના ભાવ આસમાને પહોંચી ગયા પરંતુ લીંબુ વિના ચાલે કેવી રીતે. જો કે લીંબુના કેટલાક ફાયદા પણ છે. જેમ કે આપણે લોકોને એવુ કહેતા સાંભળ્યા છે કે લીંબુ પીવાથી વજન ઘટે છે. પરંતુ શું તે સાચુ છે ખરા ?
લીંબુ પાણીથી વજન ઘટે ?
આપણે વેટ લોસ કરવા માટે સોશિયલ મીડિયામાં સર્ચ કરીએ કે પછી ગૂગલ કરીએ તો..એક કોમન ઉપાય જણાવવામાં આવે છે કે ગરમ પાણીમાં લીંબુ નીચોવીને પીવુ તેમાં મધ પણ નાંખવું. પરંતુ શું લીંબુના પાણીથી વજન ઓછુ થાય છે ખરા ?હેલ્થ એક્સપર્ટ્સ પણ આગ્રહ કરે છે કે સવારે વહેલા ઊઠીને એક ગ્લાસ લીંબુ પાણી પીવાથી પેટની ચરબી ઓછી થાય છે, ઘણા લોકો આ પીણામાં મધ ઉમેરીને વધુ સારા પરિણામ પણ મેળવે છે, પરંતુ શું ખરેખર લીંબુ પાણીથી વજન ઓછું થાય ખરું? આવો જાણીએ.
લીંબુ પાણી પીવાના ફાયદા
લીંબુમાં સાઇટ્રિક એસિડ, પોટેશિયમ, વિટામિન સી, વિટામિન બી-6, પેક્ટીન અને ફાઇબર ભરપૂર માત્રામાં હોય છે. જે પાચનમાં સુધારો કરે છે અને સાથે જ આપણને ફ્રી રેડિકલથી બચાવે છે. લીંબુમાં એન્ટીઑકિસડન્ટો મળી આવે છે, જે હૃદયની તંદુરસ્તી સારી રાખે છે અને કેન્સર જેવી ગંભીર બીમારીઓનું જોખમ પણ ઘટાડે છે. લીંબુનું શરબત પીવાથી પેટ અને કમરની આસપાસ જમા થયેલી ચરબી ઓછી થવા લાગે છે એટલે કે તમારું વજન ઝડપથી ઘટે છે.
ભૂખ નિયંત્રણ કરે છે
લીંબુમાં પેક્ટીન નામનું તત્વ હોય છે, જે ભૂખને કાબૂમાં રાખવામાં મદદ કરે છે. તેને પીવાથી તેલયુક્ત ખોરાક ખાવાની ઈચ્છા પણ ઓછી થઈ જાય છે. તેમાં હાજર ફ્લેવોનોઈડ્સ મેટાબોલિઝમને વેગ આપે છે અને શરીરને ડિટોક્સ પણ કરે છે. લીંબુમાં રહેલું પોટેશિયમ શરીરને હાઇડ્રેટ રાખે છે અને બ્લડ પ્રેશર ઘટાડવામાં પણ મદદ કરે છે.
લીંબુનું શરબત કેવી રીતે તૈયાર કરવું?
જો તમારે પેટનીચરબી ઓછી કરવી હોય તો એક ગ્લાસ હૂંફાળુ પાણી લો તેમાં એક નાનુ લીંબુ નિચોવીને નાંખો પછી તેમાં કાળુ મીઠુ અને જીરુ પાવડર નાંખો. આ પાણીને સવારે ઉઠીને એક ચમતી મધ મિક્સ કરીને સેવન કરવાથી વજન ઝડપી ઘટશે.