જો તમારો સ્માર્ટફોન ખોવાઈ ગયો હોય અથવા ચોરાઇ ગયો હોય તો કેટલીક એવી યુક્તિઓ છે જેની મદદથી તમે તમારા ફોનને શોધી શકો છો.તેની અંદર આપણી દરેક પર્સનલ માહિતી હોય છે જેમ કે બેંક એકાઉન્ટ વિગતો વ્યક્તિગત ફોટા વિડિઓઝ દસ્તાવેજો અને સાચવેલ સંપર્કો. તેવામાં ફોન ચોરાઈ જાય તો આપણી દરેક માહિતી પણ ખોવાઈ જાય તો ચાલો જાણીયે તેને શોધવાના સરળ ઉપાયો.
એન્ટી થેફ્ટ એલાર્મ : તેને તમારા ફોનમાં ડાઉનલોડ કર્યા પછી સક્રિય કરો ત્યારબાદ જો કોઈ બીજું તમારા મોબાઇલને સ્પર્શ કરવાનો પ્રયાસ કરશે તો તમારા મોબાઇલમાં ઝડપી અલાર્મ વાગશે જો કોઈ ટ્રાફિકમાં તમારો ફોન ચોરી કરવાની કોશિશ કરશે તો તમને તરત ખબર પડી જશે.
લુકઆઉટ સિક્યોરિટી અને એન્ટિવાયરસ : આ એપ્લિકેશનમાં Google નકશાની મદદથી તમારો મોબાઈલ ક્યાં છે તે ખબર પડી જશે. જો ચોરી કર્યા પછી કોઈ તમારો ફોન સ્વિચઓફ કરે છે તો તમને ફોનના છેલ્લા સ્થાન વિશે જાણ થઇ જશે જેથી તમને તમારો ફોન શોધવામાં સરળતા રહેશે.
થીફ ટ્રેકર : આ એપ્લિકેશન ચોરેલી ફોન શોધવામાં મદદરૂપ છે. ફોન ચોરી થઈ તો તમે આની મદદથી ચોરી કરનારની સંપૂર્ણ માહિતી મેળવી શકો છો. તેમાં એક વિશિષ્ટ ફીચર છે જે ફોન સાથે ચેડા થાય ત્યારે આ સુવિધા ચેડાં કરનાર વ્યક્તિની તસ્વીર ક્લિક કરી સ્થાન સાથે તમને મેઇલ કરશે.