- અમેરિકાની મિશિગન યુનિવર્સિટીના વૈજ્ઞાનિકોની મોટી ખોજ
- મરી રહેલા બે વ્યક્તિઓના મગજમાંથી ઝડપ્યાં ગામા વેવ્સ
- ગામા વેવ્સ મેમરી સાથે સંબંધિત
- મરતા વ્યક્તિને દેખાય છે ઓળખીતા ચહેરા અને લાઈટ
મોત પછીની દુનિયામાં વિશ્વભરના વૈજ્ઞાનિકો અને લોકોને રસ છે પરંતુ હજુ સુધી કોઈ ઠોસ માહિતી સામે આવી નથી પરંતુ ઘણી વાર અણધારી રીતે આશ્ચર્યજનક માહિતી સામે આવી જાય છે અને આવી જ એક ઘટના બની છે જેમાં વૈજ્ઞાનિકોએ મરી રહેલા બે વ્યક્તિઓના મગજમાંથી ગામા વેવ્સ ઝડપ્યાં હતા.
બે મરતાં લોકોના મગજમાં દેખાઈ ઝડપી ગામાની ઝડપી એક્ટિવિટી
અમેરિકાની યુનિવર્સિટી ઓફ મિશિગનના વૈજ્ઞાનિકોએ એ જાણવાનો પ્રયાસ કર્યો છે કે મનુષ્ય જ્યારે મૃત્યુ પામે છે ત્યારે તેને કેવું લાગે છે. તેઓએ મૃત્યુની અણીએ આવેલા ચાર લોકોના વેન્ટિલેટર સપોર્ટની તપાસ કરી અને તેમાંથી દૂર કર્યા પછી ઇસીજી અને ઇઇજી સિગ્નલની તપાસ કરી. ચારેય કોમામાં હતા. વૈજ્ઞાનિકોએ નિરીક્ષણ કર્યું હતું કે આમાંના બે દર્દીઓના મગજનું ઓક્સિજન સ્તર નોંધપાત્ર રીતે નીચે ગયું હતું અને મગજમાં ગામા પ્રવૃત્તિમાં વધારો થયો હતો. ગામા વેબ્સ જૂની યાદો અને ઝડપી મગજની પ્રવૃત્તિ સાથે સંકળાયેલા છે.
મર્યા પછી જીવિત થનારા ઘણાએ લાઈટ જોઈ હતી
વૈજ્ઞાનિકો લાંબા સમયથી માનવ મગજને સમજવાનો પ્રયાસ કરી રહ્યા છે. મૃત્યુ પછીના રહસ્ય વિશે પણ ઘણા પ્રયોગો કરવામાં આવે છે. પીપલ્સ એનડીઇ (નીયર ડેથ એક્સપિરિયન્સ)ની અનેક ઘટનાઓ સામે આવતી હોય છે. આમાંથી મોટાભાગના લોકોનું કહેવું છે કે તેમણે મર્યા બાદ સુરંગ જોઇ હતી. ઘણા લોકોએ ટનલના તે છેડે તેજસ્વી લાઇટ્સ અને પરિચિતો જોયા હોવાનો દાવો પણ કર્યો છે. સંશોધન દર્શાવે છે કે ક્લિનિકલી મૃત જાહેર કર્યા પછી, બચી ગયેલા લોકોએ તેજસ્વી પ્રકાશ અને પરિચિત ચહેરાઓના દેખાવ વિશે જણાવ્યું છે. આ સૂચવે છે કે મૃત્યુ પામતા મગજમાં દ્રષ્ટિ બનાવવાની ક્ષમતા છે.
મહિલાનો દાવો- ત્રણ વાર મરી, ઈશુ ખ્રિસ્તને મળી છું
બે દિવસ પહેલા બ્રિટનની એક મહિલાએ ચોંકાવનારો દાવો કર્યો હતો કે એક મહિનાની અંદર તેનું ત્રણ વખત મૃત્યુ થયું છે અને તે મૃત્યુ બાદ તે જીસસ ક્રાઈસ્ટ (ઈશુ ખ્રિસ્ત)ને પણ મળી છે. મહિલાએ એવો દાવો છે કે તે મહિનામાં ત્રણ વખત શરીરની બહાર આવી ગઇ હોવાનો અનુભવ કરી ચુકી છે. આ વેળાએ તેના શરીરના ધબકારા અનુભવે છે અને બાદમાં ધીમે ધીમે તેનું શરીર શાંત પાડવા લાગે છે.
