વેરાવળ આમ આદમી પાર્ટીના આગેવાન અને ફિલ્મ મેકીંગ કંપનીના માલીકે યુવતીને લાલચ આપી દુષ્કર્મ આચાર્યુ હોવાના આરોપ સાથેની ફરિયાદ ઉઠતાં ચકચાર મચી છે.
ગીર સોમનાથમાં AAP નેતા ભગુ વાળા સામે દુષ્કર્મ ફરિયાદ
તાજેતરમાં જ કોગ્રેસ છોડી જોડાયા છે AAPમાં
કામ આપવાની લાલચે દુષ્કર્મ આચર્યાની ફરિયાદ
પોલીસે 376 મુજબનો ગુન્હો નોંધી વધુ તપાસ હાથ ધરી
તાજેતરમાં જ કોગ્રેસ છોડી આપમાં જોડાયેલા ગીર સોમનાથ પંથકના ભગુ વાળા સામે દુષ્કર્મની ફરીયાદ નોંધાતા ખળભળાટ મચી ગયો છે. યુવતીને ફિલ્મમાં કામ આપવાની લાલચ આપી દુષ્કર્મ ગુજાર્યો હોવાનો ભગુ વાળા સામે આરોપ લાગ્યો છે. જેને લઈને યુવતીને મેડીકલ ચેકઅપ સહીતની કાર્યવાહી હાથ ધરવામાં આવી છે.
વિશ્ર્વાસ ફિલ્મ ક્રીએશનમાં કામની લાલચ આપ્યાની ફરિયાદ
આ અંગે જાણવા મળતી વિગત અનુસાર મોડેલ બનવા માંગતી યુવતીએ તેની મહિલા મિત્રને વાત કરી હતી. જે અંગે તેણીએ તેની અન્ય મિત્ર થકી વેરાવળમાં રહેતા વિશ્વાસ ફિલ્મના માલીક ભગુ વાળાને ઓળખતી હોવાથી તેની સાથે મિટિંગ કરવી દેશે તેવી ખાતરી આપી હતી. ત્યારબાદ આ અંગે વાત કરતાં ભાગુ વાળાએ યુવતીને ઓફીસે લઈ આવાની વાત કરી હતી. ત્યારબાદ યુવતી આવતા પીડિતાને બાઇકમાં બેસાડીને ભગુ તેના ફ્લેટ પર લઈ ગયો હતો. જ્યાં જ્યાં બે ફોટોગ્રાફર આવ્યાં જેને મોડેલીંગ ફોટોશુટ કરવાનું નક્કી કર્યુ હતુ. ત્યારબાદમાં ફોટોગ્રાફરો ચાલ્યા ગયા હતા આ વેળાએ એકલતાનો લાભ લઇ ભાગુ વાળાએ યુવતીને કહ્યું કે, તું મારી સાથે સંબંધ રાખ હું તને ફેમસ કરી દઈશ. ત્યારબાદ યુવતીએ મનાઈ કરવા છતાં પણ ભગુએ બદનામ કરવાની ધમકી આપી તેની પર દુષ્કર્મ ગુજર્યુ હતું.
પોલીસ દ્વારા 376 મુજબનો ગુન્હો નોંધી વધુ તપાસ હાથ ધરાઇ
વેરાવળ આમ આદમી પાર્ટીના ભગૂ વાળાએ પોતાના ફ્લેટમા યુવતીને બોલાવી ફિલ્મમાં કામ અપાવી પ્રસિદ્ધ બનાવવાની અને મોડેલ બનાવવાની લાલચ આપી બળાત્કાર ગૂજાર્યાનો ભાંડો ફૂટ્યો હતો. જેથી આ મામલે પીડિત યુવતી દ્વારા વેરાવળ સીટી પોલીસ સ્ટેશનમાં ફરિયાદ નોંધવાઈ છે. જે ને પગલે પોલીસે 376 મુજબનો ગુન્હો નોંધી વધુ તપાસ હાથ ધરી છે.